سلام لأبويا .. شعر عامي للشاعرة حنان هريدي


سلام لابويا

إلى البيت اللي من غير أب
وغابت ضحكة فـ غيابه
ِّ إلى الحزن اللي عشش فيه
ِّ وقلت منه أحبابه
إلى الذكرى اللي واجعانا
ُوحضن بريء فارقنا خالص
َّ إلى القلب اللي ودعنا
سلام ووداع يا أغلى الناس
إلى الحضن اللي باللهفة
غيابه بجد شيء كاسر
بيحميني وأنا خايفة
ما زالت روحي بتعافر
حاجات جوايا وحشتني
وتعبتني وإمتى هروق
ّ ولمِتنا اللي نقصت فرد
وساب الأرض عايش فوق
ورمضان يسوى إيه فـ بيتنا
دا صعب يكون له طعم دا جرح
ولا عيدية فـ ليلة العيد
ولا خروجنا هيبقى بفرح
وحفظي معاه لأحلى نشيد
وكراستي ومدرستي وألواني
ويوم الجمعة فـ اللمة
يخرَّجني بفستاني
ووقت سماعه للقرآن
ْ وقولة الله بصوت عالي
حاجات وحاجات تخليني
أموت نفسي بخيالي
سلامي الغالي لأبويا
ساعات بتخيله حاضني
ِّ بشوفه تملي يحكيلي
بشوفه فـ حلمي بيشيلني
وبتألم بصوت مسموع
ّ وبدعي تخف أحزاني
هجيلك بكرة فـ الجنة
وتحضن قلبي من تاني

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.