” الدايت مش موضة ولا دلع ” .. بقلم أسماء الألفي


الدايت مش موضة ولا دلع

زمان كنت بتعامل مع الدايت على انه موضه او رفاهية
لكن بيجي وقت الدايت بالنسبالك بيكون حياة او موت
بيجي وقت بيكون لازم تعمل دايت علشان تقدر تكمل حياتك بشكل طبيعي
يا اما تاخد قرار وتبدأ تخس فعلا علشان انت حاسس انك لسه ممكن تعمل حاجات كتير بحياتك لو ربنا كتب لك العمر
او تكبر دماغك وتقول موتة ولا اكتر …دا قدر وتستسلم و تعيش باقي حياتك على أساس انها انتهت خلاص، و مش هتقدر تحرم نفسك من متعة الاكل .
او بمعنى ادق…. بتكون عارف ان ارادتك اضعف من انك تقدر تعمل دايت، فبتاخدها من قصيرها وتستسلم اسهل.
بس لما بتدعي ربنا انه يساعدك، بتلاقيه بعتلك ناس او فكرة او قرار انك تكمل باقي حياتك بشكل صحيح.
ويوم ورا يوم الطاقة السلبية بتتحول لطاقة ايجابية
الانهزام بيتحول لاصرار على النجاح
اللامبالاة بتتحول لاهتمام
مش بس كده …
دا انت قادر كمان تبث الطاقة الإيجابية دي لكل حد محتاجها
لكل حد محتاج بس حد يقوله يلا انا نجحت وانت كمان لازم تنجح
توكل على الله هتلاقيها سهلة و بتعدي
و زي ما بتشوف تجربتك بتنجح يوم ورا يوم بتحاول تساعد اي حد كان في وضعك انه يخرج من قوقعة الطاقة السلبية لبراح الطاقة الايجابية
بتصغر سنين كتير شكلا وروحا
بتحس فعلا بتفاؤل وراحة نفسية
وبعد شوية بعد ما كنت بتتحرك بالعافية؛ هتلاقي نفسك بتدور على جيم، او فيديوهات تمارين رياضية علشان عايز تلعب رياضة بأي طريقة
نصيحة من مجرب …. اللي وزنه زايد لازم يحاول انه يخس بجد، و اللي فاكر ان صحته كده تمام فهو كده بيضحك على نفسه ….مش هيحس بالفرق غير لما يخس بجد ……قوي اردتك اوي، او شوف ناس تقدر تساعدك ….ابحث عن احدث وسائل التخسيس و انظمة الدايت ….شوف الاول ايه السبب في زيادة الوزن وغالبا بيكون خلل في هرمون او اتنين من هرمونات الجسم عالجه و التزم بالعلاج و صر على انك لازم توصل لهدفك.
و الله الموضوع بسيط فقط محتاج جرأة و قرار ….حتى الارادة الادوية بتقوم بالدور ده دلوقتي .
لازم يكون عندكم رغبة حقيقية و عزيمة على النجاح
وقتها بجد هتنجحوا و هتقدروا تساعدوا غيركم كمان.
انشروا الطاقة الايجابية لان في ولو فرد واحد بس هيسمع منك وحياته هتتغير للافضل
دمتم مشرقين مثل شمس النهار
أسماء الألفي

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.