شكوة عصفور
عصفور واقف على شباكي
نازل تغريد ..
عمال بيزيد ويزيد ويعيد
معرف فرحان او كان باكي
إنما قلبي كان بيقولي
ان العصفور ضاع منه حبيب
كان جمبه ف العام الماضي
اتاري غناه بكا ونحيب
زاد عمقي ف عتمة تغريده
فهمت الشكوى ف تنهيده
ولاحظت الدمع
السايل ف وريده
حبيبه دا كان كل حياته
من غيره بقا الحزن و ذاته
ولكنه الآن ..
عايش حيران
عايش بمظاهر
كدابه ..
باين .. فرحان
وطاير هيمان
لكن ف الأصل ..
طاير موجع من أحزانه
بيدور على حبه التايه
بين نسمه ف سمانا العليا
او خلف سحابه معديه
