2020 عشرين عشرين …كلمات وإلقاء الشاعر ولاء الدين فاروق


 

2020
فيها كل اتنين
كدا متواعدين
يبنولهم بيت
ويهدو الحيط
الفاصل بين
روحهم والحلم
فيها مشهد حلو ف اخر الفيلم
فيها بُكا م الفرح
وبقايا الجرح
العايشه من العام السابق
فيها بال رايق
واتنين راضيين
بالحال والجاى وبالمكتوب
واهو لسه يدوب
هيهل علينا مع الجايين
2020
فيها برضو اتنين
خلصت حكايتهم م الجهتين
وقرارهم مبقاش فى رجعه
هيسيبو قلوبهم ف الساقعه
وهيشهدو إن الحب حرام
والشوق واللوعة كمان بِدعة
واهو لسه القادم م الايام
محتاج إنه يبص لقدام
وتجرب هى كمان مره
وصحيح إن التجربة مُرة
لكن مشكلتك تواجهها
بدل اما تراقب من بره
بدل اما تعيد نفس الكره
فى سنين تانيين
2020
فيها حب وحرب
واهو دايما حال البنى ادمين
فيها جدول ضرب
بيطلع ناتج للناجحين
فيها ناس ومصرين يمشو شمال
وفى غيرهم شايف السكة يمين
وبشر راحت
وبشر جايين
الضحكة مبتدومش ف حتة
ولا برضو الحزن دا بيعشش
لا سعادة بتنفع تتسلِف
ولا دمع بينفع يتغشش
وحياتك موج هادى وعاصف
يا تواجه
يا تموت كدا خايف
لكن بينى وبينك ..عارف
وبراحتك
راحتك هتكون فين
لو تقدر تبقى من الراضيين
2020

 

 

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.