بتوصف مشاعرك
بلفظ الحجر
بتكتب كلامك
لباقي البشر
بترسم معاني
بلوحة ازاز
تخاف الملامة
وتخشي السفر
وترسم محبة
لقلوب غدارين
وتنده يامين
يجينا بأثر
لذكري قريبه
لاخر معاد
وحرفين اسامي
ف جذع الشجر
وورده قديمة
ف حضن الكتاب
وخطوة ف تراب
بتحضن مطر
وصرخة الوف
م اللي كانوا هناك
ومدوا الايادي
وعدوا الخطر
وقالوا العذارا
هاتولد هنا
ومنا هايجي
مسيح منتظر
وضيف لوحة تانيه
لباقي الصور
عيال ماتوا يسقوا
ف ورد وثمر
وصورة قديمة
لضرب الكفوف
وصورة ديابة
ف شكل البشر
وصورة ميدانا
اللي شاف النبي
وذكري ادانا
اللي مات واندثر
فتلقي النتيجة
لوحة غبار
بتبكي علينا
ف وقت السحر
وتدعي يارب
المحبة
انت فين
وفين اللي ماتوا
ف وسط الصور
وفين اللي قالوا
هانقدر نفوت
ونفضل لاخر
السبيل
الشرر
نولع جهنم
لحصد الجناة
ونيجي بجنة
نذيع الخبر
#فين
#جديد
#سؤال
جريدة الفكر الحر 