إبراهيم جمال( الشهير بمحمد خالد) يكتب أكون إنسان


 

 

بافقد كلام الشعر بالتدريج
واحضن شعاع النشوه ع الفاضي
واعمل من الغيمة سحابة صيف
واعمل من الصمت ابتسام راضي
واقول جايز انول بكرة
واطول الحلم
او جايز م اسيبش الحكم
للقاضي.
وكان عيل ف قلب الليل
وكانت نجمة ف العالى
وروحه الخضرا كل ربيع
بتطرح روح امل خالى
عشان توصل اليها ف يوم
بدون الريح ما تمنعها
ودون امطار
ودون م التوهة تسرقها
ودون م الشوق يغرقها
بلا مرسي او جبل عالى

وكانت محض حدوتة
ف قلب الجدة ف الارياف
بتصحى الفجر بتعافر
عشاان تلمح امل شفاف
وتزرع روحها جوايا
ف باتعلم
حدود الصبر والانصاف
واثور ع الشر
ببرائة نبي طيب
وضحكة طفل ف الشارع
وفرحة ام ف زفاف ابنها الاول
واهزم خوفي جوايا
بشوق عمره ما يتحول
ولا يحتاج كلام جواه
ولا يحتاج
المعني يتأول
ولا الصرخه تثور ف ميدان

وكانت قصة الانسان
عمار الارض بمحبة
ونور وحنان
وكانت غضبتي ع الكون
عشان مالقيتش معنى الكون
ولا شوفت المحبة طريق
ولا شوفت الجمال مكنون
ما شوفتش غير نفوس م النار
بتمشي في امتداد مجنون
وكنت لوحدي ف الوادى
اشم الخير
فاجري عليه
واشوف النور
فامد ايديا علشان
تضم ايديه
فالاقي الطيف اثر فاضي
وشط الجنة مش موجود
فاعود وحدى
وادعي عشان القى
باب للمعرفة والنور
يارب الهمنى اتكلم
واثور لاجل البشر
م تثور
يارب ارزقني اكون
طيب
واكون انسان.

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.