” إدارة الغضب عند الأطفال ” ج١ بقلم / نورهان أبو الفضل


إدارة الغضب عند الأطفال : الجزء الأول


مشاعر الأطفال لحد ٨ سنين بتحدد سلوكياتهم و بتكون غالباً نتيجة للإحساس بالغضب من شئ أو الإحباط او احساس بعدم احترامه او عدم فهمه…
طيب إزاي أعلمه يدير الغضب ده صح أولاً لازم أفهم أنا كمربي إن ده تدرج مش مرة واحده يعني بيتعلم الطفل
لكن مع تدرج المواقف وخلال طفولته
🌸 أول حاجة ضرورة التفريق بين المشاعر والسلوك واحفظ له أحقية المشاعر دي ، واسمي الأحساس ده، لاني واجب عليا اني اخليه يفهم معني مشاعره دي لما تتكرر معاه تاني
مثلاً : (أنت من حقك في الموقف ده تتضايق لان صاحبك زعقلك وكان المفروض يحصل كذا وانت اتصرفت غلط لما ضربته، ده بقي مش من حقك)
المرة الجاية ممكن تقوله ان اسلوبه ضايقك وخليك حازم وحاد وانت بتتكلم
أو مثلاً ( انت متعصب دلوقتي علي اخوك لأنك لما وقعت اتوجعت جامد وده احساس بالاحباط ممكن تهدي لحد ما الوجع يقل وفكر هتلاقي ان اخوك بيحبك ومكنش يقصد)
او مثلاً ( انت خفت من المدرسة عشان كده كذبت لأنك في العادي طفل صادق و ده احساس طبيعي بس حاول المرة الجايه لما تخاف تستغفر ربنا وخليك واثق ان ربنا هينصفك طالما قلت الحقيقه)
وهكذا من تفسيرات اخلي الطفل بيعرف يفكر في مشاعره ويفهمها ويفهم ان اللي انا بحسه مش بيفرض عليا بالضرورة سلوك محدد ولكن السلوك ده بنعمله بكل إرادة مننا وفي عقل نفكر ونميز به طريقة تصرفاتنا
، 🌸 طبعاً عشان أقدر أفهمه لازم انا كمربي أكون فاهم الطفل وقادر احدد اسبابه ومقدر أسبابه كمان لاني لو شايفه انه ملوش عذر وسبب مناسب مش هعرف أعلمه ادارة الغضب لاني انا في الحاله دي محتاج اتدرب أكتر اني أقرأ مشاعري ومشاعر أطفالي
🌸 القدوة.. القدوة.. القدوة أنا من جوة الجلسات اكتشفت ان النقطة دي معظم أولياء الأمور بينسوها بجد رغم أنها الأكثر شهرة و معروفه عند كل الناس
بس انا بتكلم مع اب في مرة وبيشتكي جداً من ابنه العصبي
والاب أصلاً كان بيحكي لي بعصبيه وكان واضح ان اسلوبه حاد فبقوله وحضرتك بتتعصب قدامه فبيقلدك، رد عليا بس انا ابوه وبربيه اعمل اللي أنا عايزه.
والأب ده مهندس بالمناسبه يعني متعلم وواعي لكن نقطة القدوة دي بتتوة في النص مش عارفه ليه
🌸اخر نقطة في الجزء ده اني اعمل مع الطفل قواعد للغضب وافهمه القواعد دي وهو هادي طبعاً
كان عندي ولد في الفصل وهو متعصب من أصحابه بيمسك اي قلم رصاص ويشخبط علي التربيزات ودي كانت طريقة تفريغ غضبه اتفقت معاه انه ده ممنوع ولو حصل انت تجيب قماشة من نفسك وتمسح الشخبطة بتاعتك وكان بها
الطفل ده في أقصي انفعالاته مكنش بيعمل ده ولو عمله كان بيروح يجيب فوطة ويقعد يمسح بعصبيه برضه
بس في النهايه عصبيته واحدة واحدة بدأت تاخد شكل أهدي وأقل ضرراً، في الحدود المسموح بيها لطفل مضايق
لاني لازم اخد بالي انه من حقه في النص انه ينفس عن غضبه ولكن في الحدود اللي انا متفقه معاه عليها

🌸 في النهايه في نصيحه من حد عزيز عليا قالي اننا بنستعين علي تربية الأطفال بالدعاء قبل أي حاجه ودي فرصة واحنا في رمضان ولينا دعوات مستجابه 💜

نورهان_ابوالفضل

طفلي_أمانتي

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.