” هذيان ” شعر عامي .. بقلم شيماء يحيى


هذيان

هى الحياة كدا ليه
بقى ليها لون غامق
بقا ليها طعم غريب
حادق على حامض
همسه
و لمسه أيد
من كف صعب حديد
تخدك من الاحلام و عالم الأوهام.
لواقع ملوش تغير
و حاجات بدون تفسير
تعقيد ملوش تبرير
عمق و حاجات بتطير
افكار
اهداف
اوهام
احلام من دون ما ننام
هذيان يمكن أو فرط غرام
و بقايا احلام داخل انسان بيحب يعيش
وفى قلبه مفيش غير بعض ملام
و كلام دراويش
فلسفى و عميق
و غريب و عبيط
ليه مش مش مفهوم؟
هو اللى غريب
ولا الأيام بقى لها أحكام
على غير ما أتمنى
لكنه برغم اليأس بيحلم
يرجع تانى يطير
و غريب أصراره على الأساطير

و حكااااااوى كتير
فى دماغه بالون ضخم و كبير
يمله هوليون ..عايز بى يطير
طب و المسامير!
سن الأبرة !
و هوا أمشير!!
فى بلاد حواديت هيتوه و يطير
يمكن يوصل،،يمكن يفرح
يمكن ..ليه لا
كل دا يقين…ما تجيب حبه
و شوية تفاؤل و كتر الدقه
حلوه الأحلام .. ويا التحبيش
هى الأحلام سابقه الأيام؟
ولا الأيام مبتمشيش!
طالعه لورا..راجعه لأقدم
ساكنه و ساكته
ساكته و راضيه؟؟
ولا ..هو شح أختيارات
هو الممكن مبقاش ممكن
كم شئ راح أونه و فات
كم فكرة مباحه ..صارت فى عداد الأموات
ولا أنت بقيت بمخ تخين
تنفخ فى زبادى ..تطلب شربة
و فى جوفك ويل و طول غربه
طب نور ..طيب
نور لمبه
و فى أخر الأمل
ازرع وردة
يمكن تطرح
يمكن تنفع
يمكن تبقى السبب الهين
تحلو بعده أيامك ..و تبين
طول صبرك كان له مدلول
دايماً الصابر بينول
طوّل
ايوا
طول بالك
طول ع الأخر
مهو حالك
منك و إليك ..و بردوا عليك
و لو مش على روحك هطول بالك
على مين راح تصبر ..يا منيل
لسه هعدلك ماالأول
افهم أرجوك
أصحى كدا و فوق
الأيام هتفوت هتفوت
يا تعيش فرحان
يا تعيش مهزوم
و تموت هلفوت
أيوا ..فى الشارع كدا مطرود
و هوا كدا كتير
صوت عالى خطير.
أنذار يمكن
أيه اللى بيحصل
ترررن ..ترررن
دا منبه ده
كل دى أحلام
أصحى يا فالح
و أبقى أتغطى قبل ما تنام

شيماء يحيي

2 Comments

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.