محمد جراحي يكتب عايشين


 

و ببعتلك سلام قلبي
في قلب قطيفه بـ شنيطه و معاهم ورد
زمان كنا عيال حلوين بنتعايق،
و كنتي كتير تحبي الورد
و كنتي كمان اذا وصلك جواب مني ،
مفيش كام ساعه و ألقي الرد
كبرنا و فرقت بينا
بيبان و بيوت
و ناس تانيين
و كُره و بُعد
ساعات صدفه اشوف صورتك
ألاقي البسمة سابقاني تشد الخد
و تسألني ..
لماذا يا هذا سبناها
و هل هيَّ ما صانت وعد!
اقول كان اللي كان بينا
كلام عادي
لكنه جديد و جابنا لبعض
و لما اتعودت روحنا الكلام بينا ،
فـكان لازم ندوق البُعد
و لما بعدنا كنا عيال
مكنش الجرح جواني
لا دوّبنا ملام فاني
و لا تعبنا في صد و رد
سنين دلوقت أهي عدت
لبستي حجاب و شعري اِبيَـض
وكل ما اشوفك أضحكلك
و مش خايفين خلاص من حد
و كل ما صدفه تجمعنا في طريق نمشيه ،
أسلم و امشي متبسم
تقولي ازيك الايام دي عامل ايه،
و اشوف وشك بيتمسكن
رضينا بـفُرقِة الأيام
و مش فارقه،
أهو عايشين و عدي الوقت
كفاية سلامنا رايح جاي فـ وشوشنا ،
و كل كلامنا شايل وِد.

#Garrahi

2 Comments

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.