بدون مكياچ للشاعر أحمد الحديدي تقرأه لكم نهاد كراره


 

 

ديوان للشاعر أحمد الحديدي

ديوانان في ديوان
بدون مكياچ 90 صفحة
تذكرة هروب مريض30 صفحة
للشاعر أحمد الحديدي

نطالع الديوان لنجده بشكل جديد حيث يتم تقسيمه لجزئين الأول باسم بدون مكياچ بغلاف خاص به ثم في ظهره حينما نقلب الكتاب رأسا على عقب نطالع غلاف الديوان الثاني تذكرة هروب مريض

نبدأ مع بدون مكياچ
بقصيدة ممتعة للشاعر بإسم ( كعوب ساندوتشات )
يصف فيها نظرة قليل الحيلة فيجيد الوصف

يابن الشوارع
لماتلاقي فرخ كارتون ع الرصيف
مش كل طعم النوم سراير
المهم تنام بعمق…مش نوم خفيف

ثم يقول
طب هيه ليه العيال سعيدة؟
ويعني ايه لعب جديدة؟
لما الهدايا شيء بيسعد العيال
طب ليه بيخبوها ف ورق
ويربطوها بالحبال

ثم يمنحنا قصيدة لروح وقلم أحمد فؤاد نجم فيقول
وعاش اللي مسك
مناضل قلم
وهوه اللي لون
معانا العلم
مافيش حد مات
مافيش حد غاب
دا حاضر بقوة
ف قلب الكتاب

ثم يهدي لنا قصيدة عن الحبيبة لكنها ليست كأي حبيبة في فزورة
إنت الحارات الديقة
انت السهر والتريقة
انت الطيابة م الغلابة والروايح
انت حكاوي جدنا وانت الفضايح
.
.
.
انت المعاني وضدها
تبقي أنت مين

تتنقل بنا القصائد بين الحنين والغربة الصداقة و الغرابة التسليم بالواقع و الانتفاضة المقيدة داخل قصيدة تمنحك أمل ويأس ضعف وقوة وفي كل الأحوال انسجام مع المعنى الواضح أو المستتر خلف الشطور

آسف يا مالكة الكون بإيدك
مش هاقدر أبقى من عبيدك
مادد إيديا بشوق تعالي
الحب يقوى بالانكسار مش بالتعالي

يمنحنا فلسفة الحب حينما يقول

كل البنات تقدر تأكل حضرتك جلاش
راقين حنان على راق دلع
لو كنت بس تحبها
على شكلها هيه بدون مكياچ

ثم ينتهي القسم الأول ليسلمنا
ل
تذكرة هروب مريض
يقول الشاعر كمفتتح

ليه كل واحد فينا معيوب بالمرض
أصل الكمال لله
ومافيش جسد واقف على حيله كدا
غير بس روح من ربه فيه شايلاه

يتحدث الشاعر عن المرض و الأطباء والعلاج ففي كل قصيدة جزء ما من الألم

ويختتم الديوان قائلا

كل الساعات المرة مش بتمر
وانا بسذاجة جيت أدور
على حاجة واحدة في المكان دا تسر
الذل دوقته زي ما قال الكتاب
لينهي الآلآم برسالة وخلاصة
مافيش طبيب بيحس بجروح المريض
مايحسش الجرح غير بس المجروحين
كدب اللي سماكم ملائكة رحمة
وأنا لما هارحمكم هاسميكم أكيد شياطين

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.