محمد جراحي يكتب أنا وهي


أنـا و هـي

 

انا وهي كلامنا كتير

تقول ليا مفيش تأخير
ولو نايم مفيش تشخير

لكن بشخط
و بتنطط
و برسم نفسي و اتحفلط
و اقول حبة كلام يحبط
كأني طلعت في التشفير !
انا وهي كلامنا كتير
انا الظابط و هي غفير

انا وهي كلامنا كتير

تقول ليا أنا وليّـه و عِنَديّـه
و جوه دماغي سحليّـه
في عبّـي فيران
وعايشه لوحدي في موريستان
محبش فكرة التغيير

أقول ليها كلام تاني
انا التايه في عنواني
و بيتي إزاز
و بابه نحاس
و له ترباس
و ترباسه فـ إيدين ناسُه
و ناسه تنام
بِـلا أوطان
دهب، مرجان،
و متنـتوَر علي السكه
و قاعد قلبي عالدكه و مستنظر يشيله الطير !
أنا و هي .. كلامنا كتير

أنا و هي كلامنا كتير
تعيش فيا و قلبي أسير
و اسير بيها
في أراضيها
و اراااضيها
و اسرسب روحي ف عنيها
و اعلق ضحكتي قناديل

في ضلمة وحدتي قمري
برغم جنونها، ده قدري
و صوت الزغزغه بالليل

انا و هي حوار تاني
تفرقنا ليالينا ،
فنتقابل في يوم تاني
ساعات الوقت يتعفرت،
ساعات يبقي بسبع ترواح
ساعات احضنها تتنطط،
ساعات اغضب،
ادوق أرواح..
و شوكولاته
علي بطاطا،
وانام مرتاح
يفوقني شجر تفاح
يغرقني عسل ابيض
و ادوب جواه
تروح روحي و تمشي وراه
يكعبلني
هوا النني
يوقعني في جناينها،
يشوقني لمفاتنها
تلفـفني في تراحيلها….
و خولي الليل بكرباجه
يلسوعني بضفايرها
و يفتح قلبي شباكه ،
تدفيني بستايرها
أغنيلها تغنيلي
يطول ليلي و شمسي تغير
انا وهي حوار تاني انا وهي…..
كلامنا كتير

3 Comments

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.