الموت ما بيفرقش
ودي الحكمة
والغاية
والمنتهي
والحلم ما يودعش
الا اللي صبره
انتهي
والتوبه ما بتنفعش
الا اللي تاب
وانتهي
وخاف ف يوم يرجع
الفرقة صعبه صحيح
وكتير اوي بتوجع
لكنها مش موت
علشان تكون آخر
الحلم بينادي
كل اللي بيعافر
ع الفرصة للاخر
والجنة ارض ونور
فيها الاذي والزور
عن بابها يتاخر
ولا شئ يكون فيها
الا اللي اصله جميل
شمس النهار بتميل
نحو الغروب والنوم
والشوف بيبقي عليل
من بره كادر الزوم
ولزوم حدود الوزن
بيكسر الابداع
والمشي جوا الحيط
سبب السقوط ف القاع
وسياسة التنطيط
بتوصل الانطاع
وتزيد ضحايا الجهل
الحلم مش بالسهل
ولا يتوصف بالصعب
والصبر ع المأساة
يبدأ بزهد القلب
والحب والتضحية
ما يتساووش بالنهب
ولا يطرحوا الاشعار
والسكة للجنة زي الطريق للنار
وانت اللي بتقرر
والصبر ع التوهة
بيبين الذلات
والصبر ع المشوار
يبدا بفهم الذات
وانت اللي بتقرر
واما تموت مشتاق
راح تطرح الاشعار
