ميت على قيد الحياة
الموت مش شرط يكون بخروج الروح من الجسد الموت بإنك تفقد أملك وثقتك في اللي حواليك
حتي الي كانوا أقرب ماليك بقيت حمل تقيل عليهم وزهقوا من حكاويك
هتفقد شغفك اتجاه كل اللي كنت بتحلم بيه ديما مرهق وتعبان كلام الناس ما بقاش يفرق لا بقيت بتفرح ولا عارف تزعل
كل اللي حاسس بيه إنك تايه ومهما هتقف جنب الكل وقت ما تحتاجهم مش هتلاقيهم كلهم وشوش البشر مع المواقف بتبوش
الناس معادن وأغلبهم سراب
كل الوشوش ظهرت كل البشر بتبان بالوقت والأيام كل البشر خاينين وأنت قلبك لسه تايهه زي زمان وما بتتعلمش
بكره تتاكد من اللي كان وإن الجميع زايفين
بكره هتتعلم كمان وكمان وهتفهم اللي كان
بكره تعيش ندمان على ثقتك في ناس كانت ما تستاهلش
وتحط إيدك على قلبك وتقول ياااااااه ع الوجع والهموم لما تملى القلب
ما بتنسترش وبتبان حتي لو الإنسان كتوم يااااه ع الهموم لما بتقتل أجمل ما في الإنسان
حكاوي وذكريات والقلب مات بس الوجع ما بينتهيش
والعقل غايب ولا اللي شارب حشيش وصور كتير ماليه المكان بس المكان اتغير وما بقاش زي زمان لان اصل القلوب مغشوشه والبشر مالهمش امان
