هبة الله حسن تكتب من أمن العقاب أساء الأدب


 

” من أمن العقاب أساء الأدب ”
المقالة طويلة وفيها معلومات ممكن تكون صادمة فمن فضلك كملها للنهاية علشان تربط جميع الخيوط ببعضها .

ولو عجبتك ماتنساش لايك وشير وفيد غيرك .

مؤخرًا سمعنا عن قضايا متعلقة بالشرف تم طرحها بصورة موجعة وفي نفس الوقت مقرفة .
وكان في عامل مشترك بينهم وهي شخصية المتحرش او المغتصب او بمعني اخر المتحرش عندما يصبح مغتصب و ده شئ يأتي بالتبعية .
خلينا في البداية نعرف معني التحرش
هو سلوك اندفاعي ناتج عن رغبة مكبوتة تتعارض مع الدين وأعراف المجتمع والقانون .
وطبعا القائم بالسلوك ده بنسميه متحرش وفي الأغلب بيكون ذكر اتربي علي مجموعة افكار لا يصح الا تكون قنابل موقوتة مندمجة في عقله اللاواعي ؛ عارف الأفكار دي ايه ؟!
بس حاول ماتتصدمش ؟!
١- الرجولة انك تبقي بعضلات وقوي الهيئة وأنك تتمتع بفحولة جنسية .
٢- من الجميل بل والمستحب انك تعلق بنات وده مالهوش مانع علشان انت راجل .
٣- انت راجل يعني اعلي وأقيم واكمل من اي ست بما فيهم امك . ( الرجال قوامون علي النساء )
٤- مشيت البنت ولبسها وضحكتها ومكياچها هو صاحب المسؤولية الأولي في فتنتك واثارة هرموناتك وانت ياعيني برئ مالكش ذنب .
٥- تحويل الشرف في مجتمع كامل ل ( فرج المرأة ) فزود حالات الممارسة الجنسية دون الإتيان جانب هذه المنطقة .
٦- انت راجل فمافيش حاجة تعيبك غير جيبك .
٧- الكلمات المستخدمة الغير حقيقية زي مثلا وصف المغتصب والمتحرش وصاحب قائمة الستات الكثيرة بالعتيل .

للأسف كل هذه الأفكار وأكثر هي سبب رئيسي في ظاهرة الاغتصاب او العنف ضد المرأة عموما اللي بقي منتشر زي النار في الهشيم .

في علم النفس نظرية خطيرة اسمها نظرية إرتقاء الشهوة وده يودينا لسكة معرفة الفرق بين الشهوة والغريزة .
بشكل مختصر وبسيط وبعيدًا عن الكلام المعقد الشهوة والغريزة بتكون الشعور بتلبية الاحتياج الأساسي وعلي حسب كلام العالم ماسلو ان الاحتياجات الأساسية هي التنفس ، الطعام ، الشراب ، النوم ، الجنس و الإخراج .
نمسك الاحتياج اللي بنتكلم عنه النهاردة وهو الجنس وعلشان الصورة تكون واضحة هضرب مثال علي الطعام علشان نعرف الفرق بين الشهوة والغريزة
مثلا الحيوان لما بيجوع بيدور علي اي فريسة ويصطادها وياكلها بدمها وجلدها او بريشها يعني مابيحتجش نار وتنضيف وملح وبهارات ؛ لكن الإنسان لما بيكون جعان لازم يطبخ الطعام ويحاول يقدمه في افضل صورة ممكنة علشان يبقي مستمتع وهو بياكله
هو ده بالظبط الفرق بين الغريزة والشهوة
كلنا مولودين بالغرائز وده امر طبيعي لكن اللي يفرق بين الإنسان والحيوان هي تلبية الغريزة بالشكل المناسب لينا .
وهو ده اللي بيحصل في عملية الجنس ، الإنسان بيلبي الاحتياج ده بالصورة الطبيعية والمتعارف عليها وهي ( الزواج ) .
لكن من يتبع غير ذلك سبيلا بقي بيعمل ايه ؟!
بيطبق نظرية الارتقاء دي
فمثلا يبدأ بالمشاهدة ثم الممارسة بالشكل الطبيعي ( سواء بزواج او لا ) ثم بالمشاهدة الغير طبيعية ثم الممارسة الغير طبيعية .

وده توضيح بشكل مبسط وبتنقية أمثلة وألفاظ غير خادشة للحياء .

وبدون اي شك ان المتحرش او المغتصب يندرج تحت تشخيص مرضي وهو الشخصية السيكوباتية او ( المعتلة نفسيا )
ودي شخصية معقدة جدا وصعب يتم كشفها وتشخيصها لان أصحابها بيكونوا أناس أسوياء وطبيعيين ( وده في الظاهر فقط ) حيث يمتلك من القدرة علي التأثير علي الاخرين والتلاعب بأفكارهم ومشاعرهم وفي الغالب بيكون شخص عذب الكلام وهو ده اللي بيقدر يستدرج بيه الضحية .

وفي رأي الشخصي انه بيكون شخص دامج بسن صفات الشخصية النرجسية والسيكوباتية لانه بيسقط علي ضحاياه كل اللي شايفه في نفسه بمعني انه بيوصل للضحية قد ايه هي عظيمة وجميلة وقوية مثلا فبيمدحها بالصفات اللي بيعتقد انها فيه وبيفضل كده لحد ما يتأكد من سقوط الضحية في شباكه وبعدها بيطلب منها كل اللي بيكون مخططله من البداية .

طيب الشخصية دي ليها صفات ؟!
ايوه مجموعة صفات أكثرهم ظهور الآتي :
١- السلبية في الفعل ورد الفعل .
٢- عدم الاهتمام بتبعية التصرفات من عقاب .
٣- التنفيذ الفوري خلف الأفكار اللحظية .
٤- ابتسامة المغتصب بعد الفعل .
٥- نمطية وتكرار الفعل الخاطئ .
والنقطة الأخيرة تقولنا ان المتحرش اللي بيقول انها اول مرة فبيكون غالبا كاذب لان السلوك يتصف بالتبعية والتكرار والنمطية .
ولو راجعنا الصفات دي هتلاقيها بتفسر سلوك الحالة الأخيرة بتاعت ( أ . ب . ذ )
وفي رأي الشخصي
من المتوقع عدم كبح هذه الظاهرة في السنوات القادمة لأنها بكل بساطة نتيجة افكار تثقيفية سلبية من سنوات ماضية ما يقارب ٣٠ عام .
واخيرًا لا تلوم المجني عليه بل اقتص من الجاني لأن من ( أمن العقاب اساء الأدب ) .
#التحرشجريمة
#الاغتصاب
جريمة
#هبةاللهحسن

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.