إيمان عبيد تكتب الفرق بين الحب والاحتياج


الفرق بين الحب والاحتياج

……….

فرق كبير  أوي بين الحب الحقيقي والاحتياج
في أي علاقه مش بس علاقتك بشريك الحياه

فكر كده مع نفسك هل شعورك حقيقي ولا شعورك ده مرتبط باحتياجات ورغبات عندك انت محتاجها والطرف التاني قدمهالك
الاحتياج بيخليك تتحمل اي حاجه غير مريحه في الشخص ده وتكون تعبان منها جدا لكنك متحملها في مقابل اللحظه اللي هيشبع فيها رغبتك
اياً كانت الرغبه دي ايه وفي أي جانب
لكن الحب الحقيقي بيخليك متقبل الشخص تقبل حقيقي بعيوبه ومميزاته من غير ما تحس انك جاي علي نفسك وبتفرح بعطائك ليه اكتر من فرحتك باللي بتاخده منه
بتفرح باهتمامك انت بيه اكتر من فرحتك باهتمامه هو بيك
وده مش معناه ان اهتمامه بيك غير مهم
بالعكس بيكون مهم جدا وبتستناه وبيفرحك اوي لانه بيحسسك بالتقدير ويشجعك ع العطاء اكتر
لكن مبيكونش هو الاساس اللي مبني عليه العلاقه
بيكون فيه اساس تاني للعلاقه اقوي اسمه موده ورحمه

بعكس الاحتياج بيكون اساس العلاقه مبني علي اللي الطرف التاني بيقدمهولك وبس ولو بطل يقدمه في يوم من الايام لأي ظرف من الظروف بتحس انك خلاص مش عايز تكمل ببساطه لان الاساس اللي اتبنت عليه العلاقه تلاشي ومبقاش موجود وساعتها العلاقه هي كمان هتبتدي تتلاشي حتي وان استمرت ظاهرياً
بيكون عادي بالنسبالك وجودك مع غيره مدام هيقدملك نفس الاحتياجات
فرقو بين مشاعركو قبل ما تدخلو اي علاقه
حددو هل انتو عايزين الشخص ده لانكو محتاجينه هو تحت اي ظروف مش اي حد غيره ولا لأنكو محتاجين شعور او مقابل معين بيقدمه ليكو

الحب الحقيقي هو الشخص اللي تحس معاه ان روحه بتلمس روحك وان جواه حاجه منك والقليل منه بيراضيك
بتحس انك قادر تفهم طريقته في الحب ومعاك مفاتيحه واي حاجه منه بتراضي قلبك مهما كانت بسيطه وبتقدر تتحمل لحظات ضعفه اللي عطائه فيها بيقل

لكن الاحتياج بيخليك دايما مبتشبعش ولو الشخص وقف يديك .شعورك هو كمان بيقف لأن اصلا مشاعرك معاه متوقفه علي احتياجاتك اللي بتاخدها منه
فرقو بين الشعورين من البدايه عشان بيفصل بينهم خيط رفيع اوي
حددو مشاعركو كويس عشان متدخلوش بعد كده في دايره مغلقه الخروج منها صعب
ساعتها لا القرب هيكون مريح ولا حتي البعد
#ايمان_عبيد

1 Comment

  1. كلام جميل جداً وأسلوبك واضح وصريح يوصل المعلومة والهدف من المقالة باقصر الطرق ، ربنا يبارك فيكي ودائما في إبداع وتطوير ومقالات احلى واحلى.

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.