حسن عبد الهادي يكتب عش الدبابير الحلقة15


 

#عشالدبابير
#الحلقة
١٥

حسن عبدالهادي
حماس قالت بسمة وهي تقرأ و صفحة الحوادث بالجريدة -مفتش المباحث يؤكد”النسر الوطني هو من قادنا لمكان المُجرمين”.. ثم أخذت تقرأ الخبر على زميليها -أكد مفتش مباحث منطقة (………..)أن النسر الوطني هو من دلنا على مكان المُجرمين،حيث أشار أن سيارة المُجرمين وصلت للقسم التاسعة مساء أمس وعلى زجاجها رسالة مكتوبة بخط اليد توضح أماكن المجرمين وموقعة باسمه..فانتقلنا إلى المكان المشار إليه،لنجدهم مُكبلين..ونجد شعاره هناك.. ثم سألتهما بحماس
-إيه رأيكم؟
بمرح قال خليل
-طالما أنتِ مبسوطة فإحنا مبسوطين.. بهدوء قال شريف -هو بيحاول يثبت لهم إنه معاهم في صف واحد.
-هو ذكي جدًا.. سأل خليل صديقه
-هي معجبة بيه كده ليه؟ قالت بسمة ملوحة بيدها
-إنت هاتعمل زي چيچي! ضحك خليل وسألها -هي چيچي بتسألك نفس السؤال!
قالت بسمة مؤيدة شريف
-هو فعلًا بيوجه رسالة للشرطة إن هدفه وهدفهم واحد وهو مكافحة الجريمة.. قال خليل لها بدعة
-ما هو هيتكلم عن الموضوع ده في حلقة يوم التلات الجاي.
. -مستغربة إنك إنت اللي خلتني أتابعه ومتعجب إني بقيت أأيده.
. -أيوه مش معنى إني قلت لك اتفرجي عليه إنك تاخدي كلامه مُسلم بيه،إحنا صحفيين ولازم نبحث وندور ورا المعلومة.. ابتسمت وسألت فتاها -إيه رأيك في الكلام ده؟ -معاه حق فعلًا.. سألته -هتمرني النهار ده؟ -أكيد.. ابتسم خليل متخابثًا وقال -أنا عايز أشوفكم وإنتم بتتدربوا.. -يبقى لازم تيجي معانا..


ظهرت على الهواء مُباشرةً.. كانت بكامل أناقتها.. -أعزائي المشاهدين أهلًا بيكم وحلقة جديدة من برنامج “مصر الليلة”معكم نادين فريد..وحلقة خاصة عن النسر الوطني عرضت الفتاة مشاهد من حديث النسر الوطني..ثم الحديث الأخير الذي قامت به مقدمة برامج معه في الأستوديو،ثم حلقة الثلاثاء والتي خرج فيها النسر ينفي خروجه للإعلام وأن من تمت استضافته شخص منتحل صفته ابتسمت نادين وقالت –أنا باتحدى النسر الوطني إني أستضيفه على الهوا ويتكلم ويقول اللي هو عايزه وماحدش هيتعرض له…واثقة إنه هاينسحب من التحدي ده..لإنه غير قادر على المواجهة،هو بيحب يختفي خلف قناع ..ويمكن ده ليه علاقة بطبيعة شخصيته.. ثم أزاحت خصلة من خصلات شعرها الطويل وقالت -أنا مستعدة أواجهه وهو مُرحب بيه،أهلًا وسهلًا بيه في أي وقت. كان يتابع حديثها وقد انعقد حاجبيه بشدة قبل أن ينهض ويفتح دفتره ويخط اسمها كجزء من مغامرة وحلقة قادمة.. *********************************************** “مذيعة مصرية تتحدى النسر الوطني” قرأ خليل الخبر على صديقه ورمقه بنظرة خاصة فقال شريف بملامح خاوية وهو ينظر إلى صورتها -شكلها حلو..
عاد خليل للقراءة -نادين فريد،خريجة إعلام القاهرة سنها ٢٤سنة،اشتغلت في البرامج الاجتماعية من سنتين،قبل ما أقدم برنامج شبه يومي في إحدى القنوات التابعة للهيئة الإعلامية دخلت بسمة عليهما وسألت خليل مداعبة -قاعد ليه على مكتبي؟ -أصلي فاضي وخلصت تقريري الصحفي. سألته قاضبة حاجبيها -عن إيه؟ -عقود اللاعبين قالت واضعة حقيبتها على المكتب -عقود اللاعبين بقيت مستفزة جدًا اليومين دول…يعني إيه لاعب ياخد ١٠مليون في السنة. تبادل خليل النظرات مع شريف قبل أن يقول ده المتوسط حضرتك.- -تقصد إيه؟! -يعني في لاعيبه بتاخد أكتر من كده..في لاعيبه بتاخد ١٨مليون في السنة. لم تصدق بسمة فقال شريف برصانة
-بلد ماشية بالعكس ابتسم خليل وأعطى الجريدة اليومية لزميلته وقال بابتسامة مُستكشفة اقري كده..- قرأت بسمة الخبر فسألها شريف وشبح ابتسامة على شفتيه -تعرفي مذيعة اسمها نادين فريد.
-عارفاها.. ثم استدركت بس مش متابعاها أوي- سألها خليل
-إيه رأيك؟ -أنا حاسة إن الإعلام عايز يستفز النسر الوطني بأي طريقة ..فيطلّع شبيه ليه..وبعدين يحاول يجره لمعارك جانبية وهمية عشان يبعده عن مهمته في مكافحة الفساد! سألها خليل – تفتكري ممكن يعمل إيه؟ -التجاهل خير وسيلة للرد عليهم . ثم أردفت لاعقة فمها بلسانها -النسر الوطني أعلن إنه هيفتح ملف شكري زيان الأسبوع الجاي. -مين شكري زيان؟ -ما تعرفش شكري زيان..ده إمبراطور صناعة الدوا في مصر. قال شريف لها موضحًا -وعضو مجلس النواب. قالت بسمة ضاحكة -ما هم بيدخلوا البرلمان عشان يأمنوا شغلهم. بجدية قال خليل -واضح إن النسر الوطني هيفتح ملف نواب البرلمان الفترة الجاية ،بعد ما نجح في توجيه ضرباته لرجال أعمال فاسدين. وافقته بسمة بإيمائه من رأسها بينما شرد شريف ببصره ولم يُعلق..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.