-“وأعرف حكايات مليانه آهات ودموع وأنين والعاشقين دابوا ما تابوا”
مابديهاش بقى.. طول عمرى بأقول لا أنا قد الشوق وليالى الشوق ولا قلبى قد عذابه
-دي المحاضرة ايه رأيك ؟
-نعم ؟
-دي محاضرة النهاردة بجد
-عن ام كلثوم ؟
-لأ .. عن دي
– بتشاور على ودنك اللى بيقروا مش هيشوفوا الاشارة
– ايوه وكمان عن 4 حاجات كمان
– شكلك وصلت بجد ؟ اتجنيت يعني
– لأ .. ايه رأيك لما تستخدم السمع فى القصة ؟
-السمع هس
– قصدي حاسة السمع
-ازاي ؟
بمليون طريقة
– قول طريقتين يسمع خطوات بعيدة تقترب
-و..
– صوت عصفور بعيد
– برضه بعيد
– خلاص قريب
– هههههههههههه
– طيب ليه نستخدمه ؟
– علشان نكبر خيال القارئ ويبقي مجسم اكتر
– كمل بقي الاغنية ؟
– احيانا نغني الاغنية دي فى الافراح فنرقص عليها سلو ، او نرقص عليها بلدي
فعلا .. طيب النغمات كدا بقيت حركة وكل دا انت قريته بكلام مكتوب
– مش فاهم ؟
– يعني تستخدم حاسة النظر او البصر فى الكتابة
– عارفها دي اوصف يعني ؟
– دي طريقة عادية تقليدية ، لكن الاحسن تدخلها فى السرد
– اللي هو ازاي ؟
– تدخل الحوار فى الرؤية فى السمع مثلا
– ازاي برضه ؟
– صوت ام كلثوم تحركت معه بخطوات راقصة ، رغم قدمها اليمني المشلولة فبدت كأنها جسدين يتصارعا .
– يعني لازم استخدم عنيا فى الكتابة ؟
– دي فكرة مهمة واحيانا بيقولوا عليها قصة المشهد
– علشان بتتكلم على مكان محدد صح ؟
– محدد بدقة واحيانا كتير المكان هو البطل .
– نسمع بقي ؟
– لأ ندوق …بقي
– هتكتب بالمذاق ؟
– ايوه ليه لأ
– طب ازاي انت هتجنني ؟
– طعم قبلتها كالشهد الصافي
– ههههههه وصف عادي
– عندما شرب عصير المانجو ،أدرك السم بحلقه ، عرف انه يموت مبكرا جدا، فى الليلة الاخيرة من الألف ليلة وليلة.
– الله يرحمه
– احيانا كتير بنستخدم المذاق او حاسة التذوق علشان نعطي للقصة ..
– طعم صح ؟
– هههههههههه ايوه طيب مش تقريبا قصة نظرة كدا؟ ليوسف ادريس
-فعلا هو بيوصف الصواني اللى على راس البنت بشكل يجوع
– هههههههههههه وكدا كمان بيستخدم الشم
-ايوه ريحة البطاطس اللى فى الفرن
– انا جعت يا بتاع انت
– وفى حاجة كمان ؟
– ايوه حاسة اللمس ودي بتتكتب كتير جدا ، يعني ببسطاة لما عدل لها صينية الاكل
-انت قصدك يوسف ادريس كان فاهم نظرية الحواس الخمس فى كتابة القصة من زمان ؟
– كان فاهمها فعلا لكن مش محددها بيكتبها بالتمرين والتدريب
-ازاي بقي ؟
– الشعراء زمان ماكنش عندهم بحور شعر
– ولا الخليل ابن احمد واضع علم العروض كان اتولد اصلا
– ورغم كدا بيبدعوا كذلك الكاتب اللى بيكون فاهم الكتابة صح
– يعني اللى يدخل القصة يشوف ويلمس وياكل ويشم ويتذوق
-وحاجة تانية مهم
– مافيش حاسة سادسة ؟
– لأ فى يتوقع كمان ، وحاسة سابعة هي الخيال
– اعتقد انت طولت وانا جعت جدا
– هتاكل ايه ؟
– دقية كوسه بالبنابير
– قشطة معاك .
معتز صلاح
