محمد جراحي يكتب قولوا لعيال المدارس


قولوا لعيال المدارس

 

يا معلمين في المدارس كل العيال تكتب
ربوا الضماير وحاسبوا اصل التاريخ بكتب
مين اللي باني الحضاره! العلم و للا السلاح
الدنيا عاوزه الشطاره و للا العمار و الكفاح

آدي رفاعه اللي سافر و الاصل طهطاوي
رأي بلاد المسارح لم يفتنه الراوي
رجع بلاده الأصيله و الحب ليها فرض
لخص جميع ما رأي و حلم بيوم الوعد

كل اللي كتبوا الكتب و استفتحوا الكراريس
نقشوا ان مصر بهيه و العلم هو العريس
محفوظ و طـه و سميره بنت موسي و زويل
و مشرفه اللي غفا في علم بلاده قتيل

عالبحر طلت عروسة بحر بـنّيَـه
و فوق دراع النيل نامت محنيَه
و المصري واد صياد واقف عفِي ع الموج
و كان أصيل فلاح و زارعها بِـ النيَه

و يوم ما طلت جريحه من خطوط العلم
و الدمع دم زهران و في دنشواي الألم
و سينا نامت حزينه خطفها واد نبّاح
هب الدراع العفي جندي فـ إيده سلاح
كبر و هلل و زمجر
شافها عروسه بتصغر
و بتلبس الفستان
جاب مهرها نهرها
و جابِـه الطغيان
و مات شهيد لاجلها
و الدم كان فيضان
و داق دفا حضنها لما اندفن مرتاح

قولوا لعيال المدارس يا معلمين العيال
بلدنا هي اللي باقيه أمك و عمك و خال
و ان اللي عاشق ترابها يفديها دما و روح
حب الوطن حب أكبر هو اللي بعمل رجال

قولوا لشباب حامي ثاير
اسمع بقلبك و شوف
مين اللي جاب البشاير
مين اللي بزرعها خوف
مصر الحقيقه الرقيقه
في القلب تطرح غناوي
تبعت ورودها لجنودها
الفلاحين و السيناوي
اسكندراني و مصاروه
اولاد علي و الصعايده
و لاخويا شِقِّي النوباوي

يا اهل المداين و أهلي
جوه القري و النجوع
تكبر بلادنا بدراعنا
لا تجوع و لا احنا نجوع
صُدوا بجهادنا اللي باعنا
ده طريقنا ملهوش رجوع
رمل الوطن راح يساعنا
و يساعنا ضل الربوع

قولوا لعيال المدارس
طالعين في ضل النشيد
منكم مزارع و حارس
و ادي الطبيب الشهيد
بكره اللي طالع بنوركم
مهر لبلدنا البهيه
إملوا القناوي غناوي
و اللحن و الغنوه هي

يامصر قومى و انهضي
و متخافيش من ولادك
هم اللي لما تمرضي
هيرجعولك شبابك.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.