سلوى صبح تكتب جمل حَمَّل حِملُه ونَخ.


 

جمل حَمَّل حِملُه ونَخ.
————————
بدأت أنِخ من الحمول
زي الجمل لما ينِخ
عدى عليا كتير أوي
وكنت صابر
وقلبي بالحُبِ يِضُخ
ولا عمره شاخ
من الأسى
ومن هموم كتير ما تنتهيش
ولا حتى قال لازم أعيش
لنفسي يوم
زي الخلايق كلَّها
قلبي عُمره ما اتخلق يوم لِذَاتُه
ده صوت سُكاتُه
تسمعه من ورا ألف باب
زي الكتاب بيتفتح
بإدين كتير
وعيون بتقراه من الكلام
يصمت وصمته مُعضلَّة
حتى السكوت بقى مشكلة
معلش يمكن ده زمن السكوت
اسكت ولا أحسن لك تموت
حسرة بقى ولا بحزن
بقت مش فارقة كتير
كنت بحلم يوم أطير
وأفرد جناحي للسما
زي الحمام رمز السلام
لكن جناحي اتكسر
جوة الْمَنَام
وأصبح الحلم سراب
أصبح غُراب
إسود بلون أيام بعيشها
غصب عَنِّي
وكل ما فيّا رافض يكون
جَمَل ونَخ
وأنا لسه قادر
من كل قلبي أضخ
حب وسلام
أحلى سلام من قلبي أنا
لكل من باع حلمي
وكل من سرق عمري
سلام مُربع على طبل بلدي
للحرامي اللي سرق روحي مني
يمكن يتوب ويرجع ضحكة عنيه
من جديد
وألاقي بدل الحُزن عيد
والرحمة تبقى طريق نجاة
لما يكتبها الإله
حتى على قلوب العُصاة.

بالعامية بقول.
سلوى صبح.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.