إيمان عبيد الوعي وكيفية تنميته


 

يعني ايه وعي وايه علاقة وعي الانسان بسعادته من عدمها وازاي نعلي مستوي وعينا
▪▪▪▪▪▪▪▪▪
وعي الانسان ببساطه هو مدي ادراكه وتفاعله مع كل جوانب الحياه حواليه ومع نفسه كمان
العالم النفساني ديفيد هاوكينز
قسم مراحل وعي الانسان من 0الي1000
من0الي200اشخاص سلبيين
من200الي500اشخاص ايجابيين
من500الي700قمة الايجابيه والسلام
ومن700الي1000قمة الاستناره والحكمه وده وعي الانبياء
*بتختلف نظرة الناس للاشياء حسب درجة ومستوي وعيهم
كل ما كان مستوي الوعي اعلى كل ما كانت نظرة الانسان ايجابيه اكتر وبالتالي يكون اكثر سعاده وكل ما كان مستوي الوعي اقل كل ما كانت نظرته سلبيه وبالتالي اقل سعاده
#وعيك محتاج منك #اهتمام عشان يزيد مش يقل لو مفيش اهتمام مستوي الوعي بيقل بالتدريج وفجأه مع الوقت بتتحول لشخص تاني من غير ما تحس
شخص سلبي جدااا في كل حياته وممكن كمان عدواني والشيطان بيلاقي مداخل اكتر ليك يدخلك منها فالبتالي ذنوبك بتزيد من غير ما تحس وسعادتك بتقل
طيب #ازاي_تزود_مستوي_وعيك
الموضوع متلخص في خطوات بسيطه جدا
#اولا اهتم بقلبك
..اهتم بالجانب الروحاني فيك ظبط العبادات وخلي تأديتها حب في الله مش تأدية واجب ؛ خلي دايماً فيه تواصل بينك وبين ربنا اتكلم معاه ؛احكيله عن اي حاجه جواك لان الحبل اللي بينك وبين ربنا لو قطعته مع الوقت قلبك هيبقي قاسي جدا مش هيبقي عندك احساس لا بالامور حواليك ولا حتي بنفسك وكل ما التواصل بينك وبين ربنا زاد كل ما قلبك هيتصف بالرحمه والانسانيه
اعمل اعمال صالحه صدقات او مساعدات او أي حسنات تخطر في بالك متفوتش يوم من غير ما تعمل ولو حاجه بسيطه

#ثانيا اهتم بعقلك
افكارنا محتاجه رعايه مننا طول الوقت؛ محتاجه تجديد لو مفيش اهتمام بالجانب ده هتلاقي نفسك فجأه بقيت في عالم والكون حواليك في عالم تاني خالص
كل ما اهتمينا بافكارنا كل ما الحياه بتفتح قدامنا الف باب جديد مع كل معلومه جديده بنعرفها الوعي بيزيد ونظرتنا للأمور بتختلف لاننا بنبدأ نشوفها من زوايا مختلفه
طيب ازاي نهتم بافكارنا دي ونجددها دايما
الامر بسيط :١اقرأ علي الاقل ولو صفحه واحده كل يوم من كتاب ولو مش من هواة القراءه ممكن تسمع فيديو مفيد يوميا
٢
اقرا في المصحف كل يوم ولو ايه بخشوع تدبرها وطلع رسالتك منها .. كل ايه في القران ربنا بعتلنا فيها رساله ؛
ربنا انزل القرآن مش عشان نردده بالسنتنا وبس انزله عشان نطبق احكامه في حياتنا لان الاحكام دي ربنا شرعها عشاننا وعشان سعادتنا في الدارين
٣_تأمل وتفكر في الكون وفي مخلوقات الله حواليك
التفكر في الكون ده مش بس بينمي العقل ده كمان يعتبر تواصل بينك وبين ربنا بيحسن علاقتك بيه ويقربك منه اكتر
٤-اهتم بالمحتوى اللي بيدخل عقلك مش أي حاجه تسيبها تدخل
يعنى كمثال بطل تتابع صفحات منشوراتها سلبيه او تشاؤميه أو غير لائقه لأنها بتسرب لعقلك آلاف الرسائل السلبيه وده بيأثر على وعيك وبالتالي سلوكك
استبدلها بمتابعة محتويات مبهجه او مفيده تضيف لعقلك مش تاخد منه

#ثالثا اهتم بجسدك
جسدك ليه عليك حق لو مهتمتش بيه بطريقه صحيحه يااما هتتحول لانسان ضعيف معندوش القدره علي تأدية واجباته في الحياه ياإما هتتحول لانسان عنيف بيستغل صحته بشكل خاطئ
بمعني انك لازم تهتم بالغذاء الصحي والنوم الصحي وممارسة الرياضه وترك اي عاده سيئه ممكن تضرك جسديا .. كل ده مش بس بيفيد الجسم ده كمان عائد علي العقل والقلب بفوايد
بس الاهم بعد الاهتمام بالصحه متستغلش الصحه دي بشكل خاطئ يعني خليك نافع بيها لنفسك وللي حواليك متستخدمهاش في اذية حد لان ربنا عطهالك عشان تنفع بيها مش تضر
الجوانب #التلاته دول هما اساس الانسان
اهتم بتغذيتهم كويس عشان كل ما اهتميت بيهم كل ما هتلاقي نفسك بدأت تشوف الامور من زوايا تانيه وبشكل اوضح واعمق وبالتالي بالتدريج وعيك بيزيد وكل ما وعيك بيزيد كل ما بتكون ايجابي اكتر
علاقتك بربنا وعلاقتك بنفسك وعلاقتك باللي حواليك بتتظبط ؛ نظرتك للامور بتختلف ، الرضا والقناعه جواك مستواهم بيزيد ،هتبعد عن ذنوب و تصرفات كتير سلبيه وده هيخليك تحقق نجاحات اكتر في كل الجوانب وبالتالي هتكون اكثر سعاده في الدنيا والاخره كمان
#اهمالك في تغذية الثلاث جوانب دول هيقللو مستوي وعيك حتي لو كان في الاصل عالي مع الوقت هيقل بسبب اهمالك للحجات اللي بتزوده ولو قل مستوى سعادتك هينخفض برضه بالتدريج لحد ما تتحول لانسان سلبي او متشاؤم مع الوقت
شوف انت عايز توصل لأي درجه في سلم الوعي واشتغل علي نفسك كويس
اهتم بوعيك عشان نفسك تستاهل السعاده
#ايمان_عبيد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.