محمد جراحي يكتب كبرت


كبرت

 

كبرت يا جراحي و بقيت تشوف
حب الولد لحبيبته خيبه
ما كنت خايب من زمان!
و بقيت تشوف ساعة فراقهم
مُحن و انها مش مصيبه
ما كنت بتموت م الجنان!
ايه اللي غبَّـر رؤيتك دلوقت
إوعي تقول كبرت!
إيه اللي غير فكرتك و زهقت
غير إنك تعبت!
من كتر ما اتمعشقت و اتصديت
و نشف القلب م الأحزان
و اديك صديت
و بتزيَّـق كما الترباس في باب اتسك
و بان علي جسمك الدبلان
و بان علي عقلك التعبان
و بان عَجَزَك علي جلدك
و اهو دلوقت ….
جاي تعمل حكيم البيت!
يا عم اسكت..
ياعم اسكت.
و سيب الناس تشوف حالها
و كل حبيب يقيم علشان حبيبه الليل
و كل حبيب
يكمل دعوته الناقصه بصبر جميل
ما يمكن تتسمع منه و يتلاقي و يتواعد
و يمكن لأه، و يعود لك ضعيف و هزيل
و بطل حكم ع الأشخاص إذا أمكن
عشان كلك عيوب واضحه أوي جداً
يشوفها الاعمي من غير ما يلاقيله دليل.
يا جراحي.. كبرت و لسه مش فاهم
محدش غاوي يتعلم بموت الغير
محدش بيك هيتعلم
بإن الحب و الفرقه شعور واحد،
يخلي القلب مش قادر
ينام الليل.
#Garrahi

 

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.