فيبي فرج تكتب حاجتين تايهين


 

 

حاجتين تايهين
بيلاقوا ف وسط العتمة طريق
ويكونوا لبعض صديق وصديق
على بلّ الريق
يظهر ويصبّح فتفتح شمسك
والقهوة ف فنجانك
مرّها ع الصبح بقى يفرّح
إزاي راح تشرح للكوكب إحساسك بيه !
أو تشرح ليه ! دا الحب بجد؟
بيكون وياك مش ناقصك حد
والكون مرتاح وتحسه براح
إحساس بصراحة مخاوي الخوف
زي المتغطي بأغلى حرير
واشتاق ف الشتا لخشونة الصوف
والدنيا ظروف وبتمنعكم
وحروفكم ترفض تسمعكم
ودماغ الكون مزحوم قوانين
معروض متزوق ف البتارين
شوف مين راح يدفع فيك أكتر
واترك إحساسك يتحسّر على عمر وراح
ودموعك لؤلؤ متلّضم ..زينة أفراح
مبروك يا جراح
عدتي لأصلك
يا عيون بكاية مَن غسلك
نفس اللي ملاكي دموع تاني
يا ملاكي الطيب يا أناني
أمتى هتتركني لشياطينهم
اه يا رعب القلب تكون منهم !!
وتبطل عادي تكون مشتاق
سلامات يا فراق
هتطل على العشاق امتى
وتعود بالقلب لنفس سباق
الدمع مع الأحزان وتطول
يا فلول النبض يا محتارة ف طريق مقفول
بتسبّق ليه بضرب التارة
ودفوف الخوف جوا مغارة
بتبات فرحان دون أمارة
تصبح مقتول
دايمًا مستدعي ف فرحك غول
اسمه الأحزان
حبيت يا جبان والخوف زارك
هتدق طبول نبضك زارك
تطرب بنشاذك أوتارك
عجزت خلاص والقلب بيعلن أفلاسه
يهرب من كل اللي ف كاسه
ويشرب كوكتيل أحزان الناس
ترجع للتوهه وللسكة
ودموع فكة
وتلاقي صديق
من شدة خوفكم و الربكة
بتشوفوا سراب العتمة طريق

#فيبي_فرج

1 Comment

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.