عبير مصطفى تكتب قصيدة بعد الغيبة


 

قصيدة بعد الغيبة

عبير مصطفى تكتب.. بعد الغيبة

وبعد الغيبة والفرقة بترجع ليه..
ولما دموعي مش فارقة..
ف ليه نبضي تنادي عليه
وقلبي اللي ركنته زمان على بابك
وعاش أوقاته ف رحابك
وكان لك وقتها نبضك..
عينيك.. همسك..
وأهلك.. كل أحبابك..
لكن خنته بأفعالك..
دفنت حنيني ف رمالك
مصدقتش بإنك يوم هتتغير..
وتبعدني بإهمالك..
وقسوة كت جديدة عليك..
وحيرة قلبي تحلالك..
وبُعدك..
وإني أحايل فيك..
وكنت تزيد قوي في غيك..
وتتمادى في أفعالك..
ومتصور ..
بإني طول العمر هفضل ليك..؟
هقولك إيه..
هقول مغرور..
وفاكر قلبه مهما يكون
هيفضل نبضه عنواني
هقولك قاسي وأناني..
وخلتني ندمت..
بإني يوم حبيت..
أنا سيبتك عشان مليت ..
رفضت إني أكون لعبة
بتلعب بيها ف كفوفك..
ولما تملها شوية
بتركنها على رفوفك..
فأرجوك بس فهمني..
بترجع ليه..
وايه فاضل ف وجع العمر
أرواحنا هتمسك فيه
غرورك لو مصورلك..
بإنك لسه جوايا
وإن حنيني مفارقنيش..
وطول الوقت ده معايا
فسيبني أعرفك دلوقت..
بإن حنيني قتله الوقت..
وإني بجد ندمانة عشان حبيت..
وأيوة حقيقي أنا سيبتك
أنا سيبتك..
عشان مليت..

#عبير_مصطفى

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.