محمد جراحي يكتب  بلاد الله لخلق الله ( من ديوان فايزه )


بلاد الله لخلق الله ( من ديوان فايزه )

 

أحب و قبل ما اتكلم
اقول اسف
عشان ايه الاسف
معرفش
و قبل ما اخش في الموضوع
انا المخدوع
في ايه او مين كان السبب
معرفش
و قبل كلامي ده او ده
بقدم شكري للي خلقني علي ستره
تقول من ايه؟
ماتستفسرش

صلاة الله علي سيد البشر عبده و سيدنا النبي المختار
و باعلن كلمة التوحيد رايات عاليه معاها القلب لم يحتار

بقالي كتير أوي عايش
و مش موجود
و كل حبيب عرفته لقيت
ما بينا عمار لكن مهدود
أروح في طريق أنا وهمي
يطول بيا و موصلش
أحب ارجع لكني بتوه
نسيت عنواني , معرفش

خديني يا بلدي متعودتش الغربه
خطفتي حياتي من أهلي , من الصحبه
و سرسبتي اللي كان باقي علي اعتابك
و سبتيني جسد بالي بدون تربه
و انا و حضني اللي كان مفتوح
حفظناكي كتير ياما
انا سقفك و رمشي سطوح
انا مركب و عوامه
و كام مره بشيل همك
و كام مره بصون ودك
و لما اطلب تسانديني
ما شيلتيني
و رميتيني مع الاموات

أنا عايش و مش ميت
منيش بالحبل متقيد عشان تيجي تجريني
و اذا رضيتي تفارقيني
منيش عاوزك
بلاد الله لخلق الله
في اي مكان بيرزقني
صحيح قلبي هيبكي ساعات
صحيح الدمع هيلومني
لكن ايه اعمله لواحده
انا اوفيلها ..
و هي مصممه تخوني
#Garrahi

1 Comment

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.