إيمان عبيد تكتب الوسواس القهري


الوسواس القهري

………………
أثبتت الدراسات إن من بين كل خمسين فرد موجود فرد بيعاني من أعراض الوسواس سواء كانت خفيفه او متوسطه أو شديده
#الوسواس القهري ببساطه شديده
هو تركيز الدماغ تركيز شديد علي أحد الأفكار والخوف منها مع فعل بعض التصرفات القهريه المتكرره بصوره غير عاديه و قد تصل أحياناً للتصرفات غير المنطقيه
زي مثلاً التركيز والخوف الشديد من الجراثيم والبكتريا مما يؤدي الي فعل الشخص لأفعال متكرره ومتتاليه للحمايه من الجراثيم زي غسل الإيد المتتالي أو تنظيف الأغراض الشخصيه أوالمنزل بشكل زائد عن الطبيعي
………………………..
بتبدأ اعراض الوسواس تظهر عند التعرض لحدث مثير والحدث ده تم تقييمه بشكل او بصوره خاطئه …
صوره بتأدي لوجود افكار ملحه تجاه الحدث المثير ده يليها قلق شديد ثم افعال قهريه بهدف الراحه ثم راحه مؤقته ثم تعود الافكار الملحه مره أخري ثم القلق وهكذا تستمر الدايره شغاله بشكل مبينتهيش
……………………….
طيب الشخص المصاب بالأعراض دي يقدر ازاي يساعد نفسه عشان يتخلص من الافكار دي ويعيش بشكل طبيعي ؟
……………
من خلال خمس خطوات
#اولاً
(إعادة تعريف الفكره )
يعني أول ما الفكره تخطر في بالك اسئل نفسك هل التصرف ده طبيعي ؟هل هو الغالب عند الناس العاديين ولا لأ
باختصار الخطوه دي هي خطوة تمييز الأفكار من بعضها
ميز أفكارك وفرق ما بين الفكره العاديه والفكره الغير عاديه وحددها وحطلها إسم (فكره غير طبيعيه)

#ثانياً
(تحديد السبب)
بعد ما حددت الفكره الغير طبيعيه حدد سببها
يعني ايه السبب اللي بيخلي الفكره دي تخطر في بالك
مثال
فكرة غسل الإيد بشكل متتالي هتحدد السبب وليكن انك مثلاً خايف من الجراثيم او خايف من المرض
ودي خطوه مهمه لأن اي شئ سلبي مش بيتعالج الا لما نوصل لسببه الحقيقي

#ثالثاً
(إعادة توجيه الأفكار)
ودي خطوه من مرحلتين
اول مرحله انك بعد ما حددت السبب تحدد
اذا كان السبب ده طبيعي انه يشغلك بالشكل الزائد ده ولا مش طبيعي
وفي الغالب بيكون سبب عادي لكن الانشغال بيه بشكل زائد ومتتالي شئ غير عادي وغير طبيعي
وبعد ما تقرر بعقلك ان ده مش طبيعي
هتدخل علي المرحله التانيه
وهي الفكره او التصرف الصادر منك نتيجة للسبب ده
زي تصرف غسل الإيد الزائد أو المتتالي مثلاً
هتعمل للفكره اعادة توجيه وده ليه طرق كتير أبرزها
انك مثلاً ممكن أول ما الفكره تخطر في بالك قول لنفسك بصوت مسموع ان ده تصرف مش طبيعي وفوراً قوم اشغل مخك بأي حاجه تلفت انتباهه
#ممكن كمان من بين كل خمس مرات للفكره تعملها مره واحده او اتنين لحد ما تقلل الموضوع بالتدريج
ودي اكتر مرحله بتحتاج جهد وممكن تفشل كتير بس لازم تفضل تحاول
#رابعاً
اهم مرحله وهي مرحلة (التقييم )
قيم نفسك عشان تعرف اذا فيه تقدم في حالتك ولا لأ
وهل الموضوع بيقل ولا زي ما هو
ممكن مثلاً تعمل جدول اسبوعي او شهري وتكتب فيه عدد الأيام وفي نهاية كل يوم تسجل في الجدول ده عدد المرات اللي عملت فيها التصرف الوسواسي وكل ما الموضوع يقل كافئ نفسك بحاجه بتحبها عشان تحفز عقلك علي الاستمرار وميرجعش لورا تاني

#خامساً
(ممارسة الرياضه) زي الجري مثلاً وتمارين الاسترخاء زي اليوجا وغير ها من التمارين
ودي خطوه مهمه جدا هتساعد المخ علي الهدوء والاسترخاء بشكل كبير وبالتالي إعادة ترتيب الأفكار
…………………
دي شوية خطوات بسيطه للتخلص من بعض الأفكار الوسواسيه لو عندك اراده وعايز تساعد نفسك فعلاً هتقدر تنفذها لوحدك لكن لو الموضوع صعب أو وصل معاك لمرحله متأخره وتصرفات غير منطقيه لازم تراجع طبيب لأن ساعتها هتحتاج لتدخل دوائى عفاكم الله جميعاً
اتمني يكون المقال مفيد 🙂
#ايمان_عبيد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.