هبة الله حسن تكتب ازاي تعرف ان ابنك اتعرض للإيذاء الجنسي ؟


 

ازاي تعرف ان ابنك اتعرض للإيذاء الجنسي ؟!
أولا خلينا نقول بعض صفات الشخص القائم بالاذي .
– احتمال انهم يكونوا ناس قريبين جدا مننا كبير ومش مقتصر علي نوع معين ( راجل او ست ) .
– زيادة الاهتمام بالطفل بشكل ملحوظ من هدايا ولخوف شديد ومعظم الوقت يسعي لوجود الطفل معاه وده علشان يضمن انه هيفضل ساكت .
– في الغالب الشخص المعتدي يكون تحت تأثير المخدرات او الخمور .
– علاقاته بالآخرين مضطربة جدا فهو لا يجيد إنشاء علاقات سوية مع المجتمع المحيط به .
– ليس شرط عدم زواج الشخص ده ممكن يكون متزوج او لا .
=============
نتنقل هنا لصفات الطفل المعرض للأذي الجنسي .
وهنا لازم نسأل سؤال مهم هل كل الأطفال معرضين لفكرة التحرش الجنسي ؟!
الإجابة هي نعم ؛ مافيش طفل بعيد عن الحادث ده .
وهنا نقدر نقول ان الشخص المعتدي ذكي جدا وبيعرف يختار الضحية بسبب وجود بعض الصفات اللي بتكون واضحة في الطفل تابع الجاي 👇🏻
– الحرمان العاطفي
الطفل غير متمتع بالحب والاهتمام من المنزل والأسرة ، والبند ده يتماشي جدا مع المراهقين وبيظهر في تقرب المراهق من بعض مدرسينه فهو بيلاقي معاه ما يفتقده من حرمان ؛ علشان كده بيظهر حب المراهقة بين المراهق ومدرسته او المراهقة ومدرسها .
– الجهل بالثقافة الجنسية من قِبل الأهل ، للاسف الأغلب من الأسر بتسيب اولادها تعرف معلوماتها من الخارج وبالتالي المعلومة بتوصل يا بايظة وغلط يا ناقصة يا زيادة عن المعلومة اللي لازم توصله في عمره ده ؛ فمن الأفضل ان الأهل يعرفوا امتي وإزاي يتكلموا مع اولادهم في النقط دي .
– إهمال التربية في الأطفال من قِبل الأهل ، في بعض الأسر ماتعرفش في التربية غير الأكل والشرب والفلوس واللبس وبالتالي لما طفلهم يبان عليه علامات الضيق او يروح يشتكلهم يقابلوه بجملة شهيرة ( انت لسه صغير مشاكل ايه اللي عندك ) او ( ما انت بتاكل احسن اكل وبتلبس احسن لبس ومصروفك دايما في أيدك عايز ايه تاني ) ومافيش اي علاقة صداقة بينهم وبين اولادهم .
– للأسف أطفال ذوي الهمم هم عرضه اكتر للتعدي الجنسي بسبب عدم قدرتهم علي الدفاع عن أنفسهم وبسبب الصورة السيئة القميئة اللي متاخده عنهم للمجتمع وهي ان كلامه لا يأخذ علي محمل الجد والحجة هنا انه ذوي قدرات خاصة وطبعا اللفظ التاني انا مش هقدر أقوله .
– وحاجة للاسف بتحصل في معظم البيوت وهو شئ ضد الإنسانية والأخلاق والدين وهي التعري أمام طفلك فمهما كنت شايف طفلك صغير ومش فاهم حاجة احب اقولك طفلك ذكي جدا ولو مش فاهم احداثيات الموقف الا ان الغرائز موجودة منذ خلقه ، ماتقلعش قدام طفلك ، طفلك مايدخلش معاك الحمام ، طفلك مايستحماش مع حد ولا حتي مع أخواته ، اقفلوا باب الحمام .
=============
وأخيرا
التربية الجنسية لأطفالنا تبدأ منذ اليوم الأول لولادته .
ربنا يحمي اولادنا ويحمينا من شر الاذي الجنسي وغيره .
#هبة_الله_حسن
الحمدلله 🌸

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.