محمد جراحي يكتب سالومي


 

 

الكلام علي كل لون
و المستمع يفرز
واحد يقول تحيا العجول
التاني يتنرفز
و فلان زمان سَنّ السنان
و السجن للجدعان
و قبل منه اللي أَمْـنُه
خلي الرجال خرفان
خلي السباع كالنمل
ضيع مرِوّة شبابنا
و العقده لم تنحل
يا صابره لساكي صابره
و فً قلبك الدنيا زهره
و لا اللي خانك و دانك
عشِّـم بحلقك ودانك
و ضحك عليكي بمظاهره
دلوقت يا ام العساكر
ازي حالك معاهم
كنتي ام ملايين تحارب
كت ساقيه أرضك دماهم
ليه بعتي ولدك و بنتك
للسيف و زيف اللي حاكم
و انا اللي عمري ما هِنتِك
ترميني ليه فـ المحاكم
ادفع غرامة غرامي
و السجن يحضن كلامي
و تهِـدّي فوقي الجدار
ده انا كنت واهبك سلامي
و انتي تسبيني فـ حصار
يا سمره ليه قلبك اسود
مين اللي جابلك أساكي
عصفوري هو اللي تاعبك؟
دَ الديب بيعوي فـ مساكي
و الصوت بيسري و يجري
من بين شقوق الحيطان
امراض فـ اكبادنا تهري
من سُم طين الغيطان
و النيل نجاشي مجاشي
حالف عليكي الطلاق
و لا عاد يبوس الشواشي
و لا رَيُّـه يملا الحيضان
و بنيتي فوق طينَه سوده
و منعتي عنها الخَضَـار
نزرع و نقلع فـ صحرا
مستنظرين العمار
يا غاليه عند الغلابه
و رخصتي لاجل الديابه
راحت غناوي الصبابه
جايه سنين الحصاد
يا سالومي بتهزي وسطك
في الدم ، دم العباد
حَـصَدُم رقابي اللي حبوا
بمنجل اللي استفاد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.