هبة فرج تكتب طيري ياعصفورة


 

طيري يا عصفورة
وأحكي وأنتِ
وسط
السرب
عيونك شافت إيه …. وأنتِ عالأرض
شفتي الكل سعيد ومبسوط
ولا الحزن في قلبه كبير ومكبوت
وأبقي طلي عليا
واوعي تنسي إني
سيبتك تبعدي عني
ومش مهم راح تقولي إيه
المهم تحكي بجد إللي شفتيه بعينيكي الأتنين
كفانا بقي افتري من البني ادمين
ياما قالوا وسمعنا منهم كتير
وعملنا نفسنا مش سامعين
يا بحور غدر وخيانه
في ناس كتيرة قوي تعبانه
ونفسها تعيش لها يومين
ارحموا وخليكوا في حالكم
بدل ما نحكي علي إللي جري لكم
وتبقي اخبارنا كلنا عند العصافير
أوعي يا عصفورة تكوني سمعتي
و تروحي تحكي عن غمغمتي
لاحسن جوايا كتير
سيبيني ونبي مع نفسي
احكي براحتي
وكأنك ما سمعتي
عارفة يا عصفورة
أنا نفسي معاكي أطير
اعمل زي علاء الدين
لما طار علي سجادته المسحورة
اه لو كانت دلوقتي معايا
كنت فضلت فوق عالسحاب
وما نزلتش تاني ابداً عالأرض
لأحسن العيشه بقت قوي صعب
مالك مش صابره ليه
وبتحاولي طيري من أيدي ليه
استني لما تسمعي كل كلامي
وتشوفي إللي جرالي
أصله كتير والله
طب طب خلاص
استني قبل ما تطلعي لفوق
ادعيلي اعرف اعيش لحد مايأذن ربنا بالموت
مع السلامة يا حره طيري
واشهدي اني سيبتك تعلي تاني وتفرحي
لكن اوعي تنسي تحكي
لسربك عن قلبي الطيب معاكي
ولا إنتي كمان ناوية تنكري
وحظي يبقي أسود كمان معاكي
مش مهم يعني حظي
هيقف عند جناحك
يلي اسمك في الاول والاخر طير بجناحين
طيري يا عصفوره طيري

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.