تعبنا بجد و قاسينا يكتبها سيد عبدالعال زكي


 

تعبنا بجد و قاسينا
سيد عبدالعال زكي
تعبنا بجد وقاسينا وشوفنا الويل ولا حاكينا
سفرنا بلاد ورجعنا لقينا الدمع في عنينا
ومين هيحس اوجعنا و مين يسمع شكاوينا
يادنيا وجبتي من الاخر
ده حملي مال علي الاخر
ولما حاولت اني اسند او اتقدم ولو خطوه
لقيت رجلي بتتاخر
ولما الحمل مال بيا
صرخت و قولت ساعدوني
صديقي جه شمت فيا
وحتي حبايبي باعوني
ولما مال وقع مني قاعدت جانبه مستني
ابص يميني و شمالي
عسي اني الاقي واحد ماشي يشيلني
وبعد ماعدي الوقت وفات لقيت واحد معدي هناك
شاورت بأيدي و شاورلي وجاني بسرعه كلمني
وقبل ما اقوله شيلني سابقني وقالي شيل عني
اتاري حمله بزياده وطعم المر بقا عادة
ولو نشرب عسل صافي نلاقي طعمه شبه القهوة الساده
يادنيا ليا معندانا ورفضا الفرح تدينا
وديما دمع ويانا مع جراح بتكوينا
تعبنا من كتر الاهانه ارحمي دموع عنينا
ولا اقولك
يادنيا هاتي ماعندك عمرنا ما نتبطر
منقدرش اننا نعاندك ديما لله هنتشكر
ولو جبتي مرار صافي هنحمد ربنا اكتر
نقول يارب قوينا وشيل الهم ده عنا
ومين غيرك ينجينا ولا علي الحمل ده يعنا
نلاقي المر بقا سكر نعيش في سعاده نتهني
ولو نحمد كمان اكتر نفوز في الآخرة بالجنه

1 Comment

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.