إيمان عبيد تكتب جلد الذات


إيمان عبيد تكتب جلد الذات

يعني ايه جلد الذات وامتى الشخص يعرف انه في حالة جلد ذات مش مجرد محاسبة نفس
••••••••••••••
جلد الذات حاله بيدخل فيها بعض الأشخاص لما يعملوا حاجه غلط سواء كانت فعلاً غلط او غلط من وجهة نظرهم هما بس
بيدخل الشخص في حاله شديده من اللوم الشديد لنفسه على غلطته …مش لوم طبيعي لأ لوم بيوصل لدرجة انه حابب يعاقب نفسه بأي شئ هيأذيها لمجرد انه عايز يكفر عن غلطته وبيفقد الأمل في نفسه وفي إنه ممكن يتغير أو انه يكون أحسن
بيوصل الأمر عند بعض الشخصيات انه بيكره نفسه وبيستمتع بأذاها جسدياً ونفسياَ بيشوفها متستحقش لا التوبه ولا انها تفرح أصلاً وبيتعمد حرمان نفسه من أي حاجه ممكن تفرحه ..بيفوت الفرص اللي ممكن تسببله سعاده او نجاح كنوع من انواع العقاب لنفسه لأنه شايف نفسه متستحقش وملهاش توبه
………
طيب سؤال للشخص اللي بيجلد ذاته
هل معاقبتك لنفسك بالشكل ده هتحل المشكله
الاجابه لأ
هي هتزيد الأمر سوء لأنها معطله طموحك وسعيك وأهدافك وكل حاجه في حياتك حتى الحياه اليوميه العاديه معطلاك عنها ومنغصاها عليك
هي حاله مش مفرحه لأي حد غير الشيطان وبس
هو الوحيد اللي من مصلحته انك تفقد الأمل في نفسك وتشوف نفسك شيطان زيه عشان يفوت عليك فرصة الإصلاح والتوبه
انت مش شيطان
انت #بشر
الوحيد اللي غلطه ملوش توبه هو الشيطان وبس
الوحيد اللي ملوش فرص تانيه هو الشيطان وبس
اما انت فاتخلقت انسان
انسان يعني مش كامل وطبيعي تغلط
انسان يعني قبل الغلط ما يتخلق اتخلقتلك التوبه والمغفره والعفو
انسان يعني ليك بدل الفرصه الجديده ألف ومليون
جميل ان ضميرك يكون صاحي وبتعاتب نفسك ع الغلط وترجع عنه بسرعه
بس عتابك المفروض يكون #محاسبةنفس
مش جلد ذات
جلدك المستمر لذاتك مش هيحل المشكله ولا هيصلح اللي حصل ولا هيغيره
لا هيفيدك ولا هيغير شئ في الواقع
اللي هيغير ويصلح فعلاً انك تفوق لنفسك و تقوم وتديها فرصه تانيه
تتوب .. تستغفر ..تعقد النيه على عدم فعل الغلطه دي تاني وتحاول تشوف ايه اللي ممكن يتعمل عشان اللي حصل يتصلح
انت متخلقتش ملكش فرص زي الشيطان
انت اتخلقت ومعاك الف فرصه جديده لأنك انسان ودي مميزاتك كإنسان وبشر
#احترم بشريتك وإنسانيتك
لما تغلط حاسب نفسك وقوم توب عن غلطك واسعى لتصليحه
لكن متجلدش نفسك وتفوت عليها فرصة التغيير يمكن تكون فرصه تطلع منك شخص أحسن من اللي فات
ومتلومش نفسك على أخطاء أو أفكار غيرك إنت مش مسؤل عن أفكار حد كل واحد يشيل شيلته بطريقته
مارس الطريقه اللي تطلع منك في كل مره إنسان أجدد وأوعى من اللي كان قبله
ساعد نفسك وخليك حنين عليها
لو مش إنت اللي هتاخد بإيديها هتستنى ده مين
لو إنت الشخص اللي بيعذبها دايماً هتستنى إيه من الآخرين
متتخلاش عنها وتضيعها منك بتعاسه في الدنيا وعذاب في الأخره لأنها متستاهلش منك كده
نفسك تستحق إنك تدعمها وتشجعها على إنها تكون أفضل
خليك مؤمن بإنك تستحق
#ايمان
عبيد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.