مروة الجمل تكتب ذاكرة التمانينات والتسعينات( نادي السينما) الحلقة الأولى
فقرة جديدة يوميا وهقدم فيها معلومات عن برامج ومسلسلات من ذاكرة الطفولة، حلقة النهاردة هنتكلم عن نادي السينما
💗💗💗💗
هو برنامج تليفزيوني كان بيتم عرضه في سهرة كل سبت على القناة الأولى بالتليفزيون المصري، وكان بيعرض كل أسبوع فيلم أمريكي حائز على جوائز
البرنامج كان من تقديم د. درية شرف الدين، لكن اللي كتير مايعرفهوش، إن اللي اتكلف بالبرنامج وكتابة الاسكريبت بتاعه كان هو يوسف شريف رزق الله والكلام ده كان سنة ١٩٧٠ وكان تحت إشراف من التلفزيون المصري
وبدأ وقتها في تقديمه مع درية شرف الدين.. لمدة شهرين تحت إسم حكاية “نادي السينما”
وكانت فكرة البرنامج قائمة على انها تستضيف ضيف أو أكثر لمناقشة مواضيع الأفلام اللي بتتعرض في البرنامج،
و بعد توقف عرض البرنامج على التلفزيون المصري ثم عرضه على قناة دريم إلى أن توقف نهائيا
ومن أشهر العلامات للبرنامج هو التتر الخاص به وهو مقطوعة Astro 9 ل Moon Birds والتي ارتبطت في أذهان معظم المصريين بالبرنامج، ده غير صورة البنت الشهيرة اللي كانت بتظهر في التتر واللي انا لحد الآن ما اعرفش كانت من أي فيلم( الصورة ملحقة بالبوست) بيقولوا كمان أن البرنامج عرض حوالي 1500 فيلم خلال ثلاثين سنة هي فترة عمر البرنامج.
#ذاكرةالتمانيناتو_التسعينات
