محمد راضي
كاتب ساخر له العديد من المؤلفات أحدثها
القتل يسبب الوفاة وجديدها
عمل ساخر بإسم
زيزي بيه
يصدر عن دار بلوما
في معرض إسكندرية للكتاب بأرض المعارض بكوتة، بجوار مكتبة إسكندرية الفترة من ١-١٠ حتى ١٠-١٠.. وقريبًا هيتوفر في كل المكتبات.
مقتطف من العمل:
دون أن أشعل ضوء الغرفة، فرشت سجادة الصلاة ووقفت على طرفها أصلي ركعتين لله كي يسهل مهمتي، ولما فرغت من صلاتي جلست فوق طرف السجادة أدعو ربي:
– يارب انت عارف إني غلبان فارزقني في الطلعة دي وماترجعنيش خايب الرجا.
نظرت بجواري حيث يرقد طفليّ فوق الأرض ثم حوّلت نظري صوب القبلة واستأنفت:
– انت عارف يارب إني بجري على عيالي فارزقني برزقهم من الحلا…
قاطعت نفسي.
– مش مهم آخر كلمة يارب، المهم ترزقني وخلاص.. انت عارف إن العين بصيرة والإيد قصيرة.
طقطقت بلساني متراجعًا.
– هي الإيد طويلة بصراحة، مانا حرامي بقى، بس هعمل إيه؟ مانت شايف يارب الأسعار عاملة فينا إيه. عارف كيلو الطماطم بقى بكام؟.
الغلاف تصميم الكاتب العبقري/ محمد مجدي يوسف.
جريدة الفكر الحر 