إيمان عبيد تكتب ضعف الشخصية


ضعف الشخصيه

……………..
ضعف الشخصيه
أشخاص كتير بيعيشوا طول الوقت في صراعات نفسيه بسبب انهم مش قادرين يحققوا رغباتهم ..مش قادرين يقولوا كلمة لأ ع اللي مش عايزينه ولا يطالبوا باللي نفسهم فيه
حاسين بالغربه عن نفسهم بسبب احساسهم الدائم انهم عايشين لرغبات غيرهم مش لرغبات نفسهم
مستسلمين للواقع وكاتمين مشاعراهم دي جواهم
خايفين يواجهوا بيها حتى نفسهم
خايفين يكتشفوا حقيقتهم وانهم ضعاف الشخصيه ..بيهربوا من التفكير في الموضوع لان معندهمش القدره على تغييره
#ولكن
اول وأهم خطوه في التحرر من القيود والصراع النفسي هي #مواجهةالذات
عشان تقدر تحدد الضعف ده واصل معاك لأي مرحله ومخليك خسران ايه ومتنازل عن ايه وبالتالي بعد كده تواجه اللي حواليك لازم تواجه نفسك الأول
1-لو كنت طول الوقت بتساير الآخرين في رأيهم حتى لو مش عاجبك وجواك كلام غيره
ده دليل ضعف شخصية
2-لو بتخاف تعبر عن حزنك وقت الحزن او خوفك وقت الخوف او حبك وقت الحب او اي مشاعر جواك عموماً ده دليل ضعف شخصية
3-لو بتقلد الآخرين او تعتنق ارائهم ومبادئهم بدون بحث او نقاش فده دليل ضعف شخصية
4-لو بتتهاون في حقك بحجج مزيفه عشان تبرر بيها لنفسك قلة حيلتك ولكن من جواك مكسور ومش قادر تعبر فده دليل ضعف شخصيه
5-لو بتخاف من كلام الناس اكتر من ربنا فده دليل ضعف شخصيه
6-لو بتيجي على نفسك ورغباتك عشان اللي حواليك يكونو راضيين بحجة ان ده عطاء وإن العكس انانيه ومن جواك مش مبسوط بالعطاء ده فده دليل ضعف شخصيه
7-لو بتطلع غضبك على جوانب ضعيفه حواليك زي الأطفال مثلا أو الزوجه فده دليل ضعف شخصيه (انت مش قادر تسيطر ع الموقف او الشخص اللي مسببلك ازعاج فبتستقوى ع الاضعف منك عشان تثبت لنفسك انك مش ضعيف رغم ان ده منتهى الضعف)
8-لو بتشتكي طول الوقت من مواقف الحياه المزعجه وبتكتفي بالشكوى فقط من غير ما تاخد أي رد فعل تجاهها فده دليل ضعف شخصيه
…………….
راقب نفسك كويس وحدد نقط ضعفك
لو الصفات دي موجوده فيك يبقى ده دليل قوي على ضعف شخصيتك والأمر محتاج منك وقفه قويه مع النفس وتعمل ستوب لكل ده فورا
واجه نفسك بعيبك عشان تقدر تواجه اللي حواليك وعشان تقدر تصلحه وتطور شخصيتك وتغيرها للأفضل
الأمر بسيط ولكن محتاج إراده
محتاج تثقف نفسك وتطور مهاراتك
وأهم تلات قواعد لازم تحفظهم وتكررهم طول الوقت والأهم تنفذهم
#أولاً
واجه اللي يضايقك وقول لأ
متقولش مبعرفش مع التدريب هتعرف
قول لنفسك طول الوقت انا بعرف اقول لأ انا بعرف اواجه كررها كتير خلي عقلك الباطن يحفظها لو حفظها كويس هيدي اشارات للعقل الواعي انه ينفذ
#ثانياً
نفذ رغباتك إنت مش رغبات اللي حواليك (مش مطلوب منك تيجي على نفسك عشان حد ودي مش أنانيه بالمناسبه ..لو فيه حد اناني فهو الشخص اللي رضالك بإنك تتنازل عن شئ هيسعدك عشان يكون هو سعيد حتى لو على حساب رغبتك )
#ملحوظه
لو الشخص ده احد الوالدين او أحد الزوجين فحاول تتناقش معاه بالحسنى والمعروف وتفهمه انكو لازم توصلوا لحل وسط يراضي كل الاطراف مش طرف على حساب الأخر ولو رغبته هتتعبك نفسياً قول لأ ولكن بالحسنى مع استمرار البر والموده
المهم انك تواجه وتناقش مش تستسلم مش مطلوب منك تتأذي نفسياً عشان أي حد
#ثالثاً
ابحث لنفسك عن هدف وطور نفسك فيه
انجح وقدم انجاز يحسسك بوجودك وذاتك متكونش مجرد تابع للأخرين
افتكر دايماً الفطره السويه بتقول
الله ثم النفس مالم تجور على حق شرعي لشخص اخر ثم الأخرين
لو بدلت واحده مكان التانيه محدش هيتعب غيرك
مكانتك عند اللي حواليك هتيجي من اهتمامك ونظرتك لنفسك
اهتم انت بنفسك وساعدها
دمتم بخير😊🌼
#ايمان
عبيد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.