مروة الجمل تكتب الحلقة الخامسة من ذاكرة التمانينات والتسعينات( خلف الأسوار)

مروة الجمل

 

مساء الخير
دي حلقة جديدة من الفقرة الجديدة اللي بقدم فيها معلومات عن برامج ومسلسلات #منذاكرةالطفولة

النهاردة هنتكلم عن البرنامج المرعب، اللي كنا بنجري نستخبى بمجرد ما نسمع صوت موسيقى التتر بتاعة في سهرة يوم السبت على القناة الأولى، ميعادنا النهاردة مع برنامج الجريمة الشهير #خلف_الأسوار

البرنامج من البرامج اللي بتهتم بالحوادث، ويعتبر أول برنامج يتكلم عن الجريمة في التلفزيون المصري.
بدأ البرنامج في أواخر التسعينات واستمر لمدة ٦ سنين بمحصلة ٢٠٠٠ حلقة، يعني ٢٠٠٠ جريمة تم عرضهم ومحاورة مرتكبيها.

قدمت البرنامج الإعلامية راوية راشد، واللي كانت بتكتب الحلقات بأسلوب السيناريو الأقرب للقصة عشان تقدر تجذب المشاهد، وبالفعل اﺳﺘﻘﺒﻠﻪ ﺍﻟﻤﺸﺎﻫﺪين باﻫﺘﻤﺎﻡ ﺷﺪﻳﺪ، وكانوا بيتابعوﺍ ﻣﻦ ﺧﻼﻟﻪ اعترافاﺕ ﺍﻟﻤﺘﻬﻤﻴﻦ ﺑﺘﻔﺎﺻﻴﻞ جرايمهم، ﻭﺗﻤﺜﻴﻞ ﺑﻌﻀﻬﻢ للطريقة اللي تمت بيها الجريمة، ﻛﻞ ده كان بيحصل ﻭﺍﻟﻤﺸﺎﻫﺪﻳﻦ بياخدوا ﺃﻧﻔﺎﺳﻬﻢ ﺑﺼﻌﻮﺑﺔ قدام ﺷﺎﺷﺎﺕ ﺍلتليفزيون .

وبدأت فكرة البرنامج لما قابلت الاعلامية راوية راشد واحد من ضباط الشرطة وعرضت عليه تصورها لفكرة البرنامج اللي بيقوم على عرض الجريمة بدون إثارة، واتحمس لها جدًا، فراحت بحماسها ده لمبنى الإذاعة والتلفزيون وقدمت الفكرة لرؤسائها، وقدمتلهم حلقة تجريبية، وبالفعل أخدت موافقة عرض خلف الأسوار
البرنامج مكنش بيدعم رجال الشرطة بس، لكنه كمان أضاف التوعية الجماهيرية لتفادي وقوع الجريمة.
البرنامج كان من إعداد علاء محمود، وإخراج د. هاني جعفر أما موسيقى التتر الشهيرة فكانت لحسام عبد المنعم مش لياسر عبد الرحمن زي ما ناس كتير فاكرين، لكن الموسيقية التصويرية اللي جوه الحلقات هي اللي كانت من تأليف ياسر عبد الرحمن
استمر عرض البرنامج من بدايتة في التسعينات حتى توقف عام ٢٠٠٦.

#ذاكرةالتمانيناتوالتسعينات

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.