مروة الجمل تكتب الحلقة الثالثة عشر من ذاكرة التمانينات والتسعينات( ماما نجوى)

مروة الجمل

 

مساء الخير
دي حلقة جديدة من الفقرة الجديدة اللي بقدم فيها معلومات عن برامج ومسلسلات #منذاكرةالطفولة

حلقة النهاردة هنتكلم عن برنامج الأطفال اللي اتربينا عليه، واللي اتعلمنا منه قيم واخلاق واتيكيت، وأدب، النهاردة هنتكلم عن برنامجين مش برنامج واحد وهما برامج ماما نجوى أو صباح الخير ومساء الخير، واللي بدأت المذيعة الفنانة نجوى إبراهيم بتقديمهم بعد برنامج عصافير الجنة اللي قدمته بعد وفاة المذيعة الجميلة سلوى حجازي أو ماما سلوى في سنة ١٩٧٣، واللي بدأت من خلاله شخصية بقلظ اللي قام بدورها الصوتي الفنان الراحل سيد عزمي ، واللي كان بيحركها الفنان إبراهيم شكوكو.

بقلظ كان فكرة الاستاذ شوقي حجاب وقام بتنفيذ الشخصية فنان العرائس الجميل الراحل رحمي، واللي اتحمس جدا لفكرة الأستاذ شوقي بتصميم شخصية من العرايس تجذب الأطفال، وتخليهم يتعلقوا بيها فقام بتصميمها وبدأت تدخل البيوت من خلال برنامج عصافير الجنة.

وفي منتصف التمانينات، بدأت ماما نجوى فكرة برنامج صباح الخير واللي كان بيتذاع يوم الاتنين الساعة ١٠ صباحا على القناة التانية بالتلفزيون المصري، واللي كلنا كنا بنصحى من النوم نفطر ونستناه لحد مايبدأ التتر بتاعه عشان نقول مع الأغنية صباح الخير يا ماما نجوى.

وبعد فترة وبعد نجاح صباح الخير، بقى في كمان برنامج مساء الخير واللي كان بيتذاع على القناة التانية برضه بس يوم الخميس الساعة ٥.

البرنامج مش بس كان ترفيهي، لأ كان كمان بنتعلم منه قيم وأخلاق، زي التعاون، والنظام، والنظافة، وازاي ناكل صح، ومانعملش صوت أو نتكلم واحنا بناكل.
كان في فقرات كتير جوه البرنامج زي لوحة الشرف واللي كانت بتعرض فيها ماما نجوى أسماء وصور الأطفال المتفوقين في أي مجال.

ومن الحاجات الجميلة في البرنامج وحسب رواية نجوى إبراهيم إن كل الكلام والحوار اللي كان بيدور بين ماما نجوى وبقلظ كله كلام مرتجل مابينها وبين الفنان سيد عزمي، اللي كانوا يادوب بيتفقوا على موضوع الحلقة والباقي بيكون ارتجال تفاعلي مابينهم.

البرنامج كان بيتذاع على الهواء ومدة الحلقة بدأت ب ٣٠ دقيقة ووصلت لحد مابقت ٤٥ دقيقة، كانت بتتخللهم الفقرات المختلفة عشان الفنان ابراهيم شكوكو يقدر يريح ايده اللي كانت بتحرك بقلظ.

وطبعا مانقدرش ننسى اغنية التتر اللي حافظينها لحد دلوقت واللي كانت من كلمات الشاعر شوقي حجاب، وألحان الفنان هاني شنودة، وغناء نجوى إبراهيم .

البرنامج كان من إعداد وتقديم نجوى إبراهيم وإخراج عبد المجيد الرشيدي ويوسف سلام.

#الثالثةعشر
#ذاكرة
التمانينات_والتسعينات

لو حبيت المحتوى ماتنساش الدعم بريأكت وكومنت وشير

ولمتابعة الحلقات اللي فاتت دوس على الهاشتاج ده #منذاكرةالطفولة واسترجع ذكرياتك ❤❤
#دمتم_بود

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.