محمد جراحي يكتب أصلي

أصـلي

مش عاوزك تبقي زيي
أنا عاوزك تبقي ذاتك
خليك واحد و أصلي
و ابني بإيدك حياتك
قال إيه عاوزين شهاده
تشهد لك بالرياده
خليك صاحب السعاده
جدرك طارح هنا
هتلاقي يابن بلدي
الأصلي تمللي عندي
و معاك هاخد و هـدّي
علم و فن و غنا
لو لبسونا هندي
و نطقنا باللاوندي
و دفعنا عشان نعدي
إيه بس يعيش هنا
ليه ناخد منه حاجه
علشان اسمه الخواجه
و نعيش عيشة السذاجه
و ننسي أصلنا
افتح صفحة چيناتك
و بص ع اللي فيها
هتلاقي حروف بلادك
كل العالم قـاريها
و بنادي عليك تعالي
و اتعلم من هنا
هتلاقي يابن بلدي
الاصلي تمللي عندي
و معاك هاخد و هـدّي
علم و فن و غنا
مش عاوزك تبقي زيي
أنا عاوزك تبقي ذاتك
خليك واحد و أصلي
و ابني بإيدك حياتك
#Garrahi