تفتكري عرفتك لما شفتك
فكريني انتي مين
انتي يوم في العمر عدي
ولا صورة من الحنين
عمر رايح ولا جاي
خد معاه شوق السنين
تفتكري عرفتك لما شفتك
فكريني انتي مين
كنتي شمعة في الليالي
صورة حلوة عاشت في بالي
منورة في حضن النسيم
طايرة بجناح الأماني
عشتي في الاحلام ثواني
والحلم راح ويا الأنين
تفتكري عرفتك لما شفتك
فكريني انتي مين
نسيت حياتي وذكرياتي
ولا لسة باقية أهاتي
من بعد ما شاب الجنين
شكيت يوماتي بطول ليلاتي
لحد ماشكاني زماني
وأيام راحت للسهرانين
عدت في يوم ولا في يومين
تفتكري عرفتك لما شفتك
فكريني انتي مين
خبي عني قولي يامرايتي
انتي اللي عارفة صورتي فين
دي صورة قلبي ولا حكايتي
ولا طيف وخيال حزين
شابت معاه أحلي الأماني
وسنين هوي وزهرة خيالي
خدها الليل معاه بعيد
روحي يا أيامي وتعالي
يمكن في يوم تطرحي بساتين
تفتكري عرفتك لما شفتك
فكريني انتي مين
بقلمي / وفاء منصور
