سجن الكلمه
جال القلم في الورق
يكتب يا زهرة بلادي
حبسه الشاويش و العسس
و الحبس كان انفرادي
و عشان ماهو كان قلم
قاري التاريخ اللي كان
محبرته نزفت ألم
و ورقته صبحت حيطان
نقش الحقايق بواخر
و الموج يموج عالي
و البحر ثاير و زاخر
ميبانش له آخر
بس القلم بحار
و مسايسُه بالمجداف
يزق فيه الموج
بشراعه يتاخر
يكش فيه مِ الخوف
يصد و يعافر
أصل القلم من زمان
عارف جنان البحر
من يوم ما كانت مياهه
بتترسم ع الصخر
ياما القلم خط ياما
و قال كلام السلامه
بس الشاويش جاب سجونه
و السجن للـكلمه قبر.
