إيمان السيسي تكتب عامل إيه يا بابا


 

إيمان السيسي

عامل إيه يا بابا طمني عليك
فينك ياحبيبي وفين أراضيك
غيبت وطالت بيك الغيبه
مكنش ده عشمي فيك
ده أنا قولت هو أسبوع ولا اتنين
وهترجع تاني وأناديك
وحشتني كلمة بابا
أصلها متتقالش ياحبيبي غير ليك
طيب كنت قولي وعرفني
إزاي في بُعدك أقدر أعيش
كده تسيبني فجأه وعلى خوانه تغيب!!
وجعتني أوي يابابا
ووجعني فراقك
اصل الموضوع مطلعش بسيط
يوم ولا اتنين ولا شهر وشهرين
وننسى ونرجع من تاني نعيش
لا ياحبيبي ده وجع في القلب بيعشش
لا بينتهي ولا يتنسيش
مين يابابا هيقولي يا نونه ويطبطب على كتفي
ويقولي متخافيش ده ربنا كبير
مين هيحكيلي قصص الأنبيا ويشرحلي الأحاديث
طيب مين هيجبلي النوجا واللب وحلويات العيد
اه صحيح نسيت ده مفيش بعدك ياحبيبي عيد
متخافش.. مش هنساك ياحبيبي قد ما هاعيش
هتفضل عايش في قلبي
وفي كل لحظه عن بالي ماهتغيب
صورتك مطبوعه في نن عيني صاحيه أو نايمه
شيفاك وبضحكلك و بناديك
ليا عندك بس طلب أخير
متتأخرش عليا وتعالى زورني كل يوم
و خدني في حضنك وطبطب عليا ومتبقاش عني بعيد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.