صفاء المنطاوي تكتب/ ذنب ليس له تبرير


 

صفاء المنطاوي تكتب/ ذنب ليس له تبرير

وهستفاد أنا ايه لما تقولي
أيوة ظلمتك زمان
يااااااااه دنا كنت وحش
وكتر خيرك استحملتي كتير
طب هيفدني بإيه كلامك
وانت أفعالك ناقصة
مش عارف تكملها
مش عارف تكسب رضايا
أو حتى تعدِلها
مش عارف تتعامل معايا
مع إني سهلة
يظهر هو ده العيب
عارف آخري وبتتبغدد
علشان ضامن قلبي
بس قلبي يأس خلاص
عمري ما كنت سعيدة
ويظهر المقدر نفس الأحداث
مفيش تغيير إلا لما أكبًر
أو أنسىٰ إني أنثى محتاجة الاهتمام
محتاجة قلبك اللي ياما بخلت بيه
وإديته لناس ميستهلوش
هو أنا هفضل لأمته بعافر
والنفس معتش طالع من كتر الأسيه
والأمل المستحيل
حاجة بسيطة سهل تنفذها
بس أنت خلتها صعبة التنفيذ
قرب ليا أنا عايزة مشاعر
أحاسيس عايزة ود طبطبة بس م القلب
مش عايزة غريزة مش عايزة رسم
مش عايزة عقل مش عايزة كدب
عايزة قلب يحس بيا
وإيد لما تحضن أحس بالحنان
أنسى هموم الدنيا وعلي كلامك أحس بالأمان
أنام وأنا فكري خالي وعقلي واخد هُدنة
ومش شايل هم بكرة اللي لسه مجاش
عمري عدىٰ معتش باقي فيه كتير
نفسي أعيش سنيني اللي فاتت
اللي معشتهاش نفسي أجري العب
أصرخ… أتنطط من الفرحة
ولا ده كتير عليا
نفسي أنسى نفسى ..سني
حاجة واحدة بس هي اللي تبقى
شاغلة وقتي وهي السعادة
اللي خصمتني سنين
إتغيرت في كل حاجة إلا قلبي مش موافق ع التغيير
كبرت واتعلمت وقلبى لسه مُتمسك بنفس المشاعر
اللي اتولد بيها ومش راضى يتنازل أو حتى يعّدل
أو يقلل علشان يعرف يعيش
روضت كل حاجة إلا قلبى وقف ثابت لا انحنى
ولا خضع وقالي ريحي نفسك مهما عملتي
عمري ماهتغير إلا بالموت
غلبتني الدنيا وهو كمان
وضعت أنا في النص
لا أنا عارفة أتأقلم معاها بسببه
ولا هو راضي ينخ
عايشة أنا في منتصف الأشياء
لا أنا بحب ولا بكره
وكله على نفس الموال
هفضل لحد أمته تايهه
لا أنا لاقية روح تنصفني
ولا حتى نص الاهتمام اللي انا عيزاه
نفسي أعيش ولا أنا انكتب عليا الضياع

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.