ارتجالة للكاتب محمد جراحي و الكاتبة هناء مدكور


ارتجالة مشتركة بين الكاتب محمد جراحي

والكاتبة هناء مدكور

بدأها أ.محمد جراحي قائلا 🌹♥

في عالم كل أرواحه بقت بالفيشه و الشاحن و بـالباقَـه
و أحاسيسه بقت رسومات، ساعات صفرا و ساعات زرقَـا
لقيت جوايا حاجه قديمه بِتخربِش و شفافه و سـرَّاقَـه
ومعرفش ابتدت امتي و مُدِّتها و تصريحها، ومش فارقَـه
لكن خلتني اشوفك نجمه بتْـضَّوِي و من بين الطيوف طاقَه
ولو ينفع تبادليني بروتونِك -أكون لونك-
أعيـش فيكي بدون فُرقَـه.

♥🌹

وردت أ.هناء مدكور

ولو ينفع تعدي بحور علي ناقه
تعد نجوم ضهر شتاوي مشتاقه
مابين البرد وبين دمعه حراقه
ولو ينفع اشوفك لحظه من طاقه
مفيش طاقه وخلص الشحن والباقه

♥🌹

أ.محمدجراحي

بشوفك مصدر الإلهام و نور الشمس و المعني
و أعدي بحور تموج بالنور و أشد شراعي بالمغني
و أجيبلك ضحكة من ارض اللي بدعوا الفرح و التفاريح
و طول ما الشمس فيها النور، طاقتنا هتكْفِي و تساعنا

♥🌹

أ.هناء مدكور

انا عاشق ومين قدي
اجيب الشمس في يدي
وأقول ياحليوة يامعدي
،،،،،،، ماتسمعنا،،،،،

♥🌹

أ.محمدجراحي

و انا الغاوي و مين زيـي
و نور الدنيا من ضيـي
سقيت احبابي من ريـي
و زهـزهـنا

♥🌹

أ.هناء مدكور

يازارعين القصب جنب الملوخيه
فاتش عليكم جدع ولد الكبيريه
في ايده اليمين قلم في ايده ،،
الشمال قرطاس مكتوب عليه
محبتك مظلوم في وسط الناس
ادعى واقول ياليل عمره ماودعنا

♥🌹

أ.محمدجراحي

شوفناه في عز الليل
ماشي بيتخفيٰ
و لا كانش شيء فـ إيديه
علي كتفه شال قُـفَّه
و مَلا بغُناه الليل
قال، فين حبيبي ألقاه
هو اللي خدني هواه
لم بِعتُـه، ليه باعنا؟!

♥🌹

أ.هناء مدكور

الهم هامسلي همس
واقف علي طرف كمي
ويادنيا ليه انت بس
مستندله يمي ولا عمره
على دمه حس.ولا بمدامعنا

♥🌹

أ.محمدجراحي

يكفيكي كل البلاوي
و فداكي أهو دمي
الحب جارح، مداوي
مفاقوشِ غير أمي
يتكيٰ ع الجرح نوبه
و يطيب القلب نوبه
و نقول خلاص منه توبه
نلقاه بيِجمـعنا

♥🌹

أ.هناء مدكور

مجروح يا طببب داويني ولا الدوى غالي
وشكت للدمعه عيني و صعب عليها حالي
واللي حبيبه معاه غنالنا وسمعنا

♥🌹

أ.محمدجراحي

روحت لطبيب المبالي، يكشف عليا و يطبب
قال الدوا لحالي، ألزم حبيب لي قرَيـب
قلت الحبيب هجّار، و مين يجَمّـعنا

♥🌹

أ.هناء مدكور

طبع المحبه الوفا والحب مش لعبه
والقلب لو ينطفا تبقى الحياه صعبه
نادرين عليا ان صفا قلبه وبمحبه
لاسقيه بأيدي الهنا ويدوق مجلعنا

♥🌹

أ.محمدجراحي

هـيلف سواح فـي البلاد و يجيبه يوم تعبه
هـو اللي شايل حبيبه و بانيه كما الكعبه
هيطوف يطوف و يلبي بيه و لصحبته الرحبه
و يعود مع الاحضان وليد، بهواه يمتعنا

شكرا للكاتب محمد جراحي والكاتبة هناء مدكور

للإبداع المشترك 🌹🌹🌹

1 Comment

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.