صفاء المنطاوي تكتب مذكرات زوجة فقدت إيمانها بالحب


 

صفاء المنطاوي تكتب مذكرات زوجة فقدت إيمانها بالحب

أنا عمري ما حسيت في يوم بالحب أيوة تمام
كل اللي حسيت بيه منك إحتياج
عمري ما حسيت أن قلبك يوم شافني
أو حتى حب عيوبي أو حتى جمِلها
كل شوية تحسسني إني مليش مليون لازمة
تشجعني على الاهتمام بس للاسف مش لِك
لأي حاجة حتى لو كانت كلب
المهم أنشغل عنك وينتهي الأمر
كان حبي وإهتمامي بيك مصدر إزعاج
كان خنقة ووجع قلب
كان سجن وانت مبتحبش الجدران
كنت مجرد جسد وست سدادة وقت الأزمات
كنت حيطة بس مش مايلة تتسند عليها بقلب من حديد
كنت حمالة اسية وانت إفتكرت اني هفضل جمل وأشيل
كنت ضامن أن كل نفس بتنفسه ملك لك مش قلبي بس
كنت عارف ومتأكد أن روحي متعلقة بس بيك
علشان كده كنت بالنسبة لك متعلقة في السقف
أيوة نجفة تتباهى بيها بس مركونة كل الهدف المنظرة وبس
مجرد واجهة أو بقرة تسحبها وقت متحب
ولو محبتش تسبها لناس تانية تسقيها وانت ضامن انها لغيرك لا يوم تميل ..معرفش جبت الثقة دي كلها منين
ديما تحسسني بالقلة لما نكون مع بعض وقدام الناس
دي فلة بس لا بتاخدلي حقي ولا حتى بتخلي ليا قيمة قدام الخلق ..اللي عايز يدوس يدوس ماهي تكية وللاسف صاحبها بايع من غير اي عقد ..آه من غير اي مستندات أو حتى كلمة
لا شاري ولا بايع هو دى موقفك بالظبط
حاجة موجودة في حياتك صحيح اختيارك
بس للاسف ندمت أيوة بعد ما فكرت
لقيت لا مال ولا وظيفة ولا مركز تتسند عليه
قومت صحيت من غفلتك بعد ما فات الوقت
اهملتني سنين وجاى دلوقتي تتذمر من انشغالي
مش ده كان طلبك من سنين
بس والله منا اللي رضخت دى قلبي بعد ما اتالم أخيرا
اتمرد على قلة القيمة مش بس كده دنت كنت بتطحن فيه وفاكر أن هيبقى عجينة تشكلها وفعلا حصل
بس أنت اتكبرت والغرور خدك لسكة ملهاش رجوع
أيوة انت لا كنت بتصون النعمة ولا حتى كنت بتبادلني نفس الشعور أو حتى بتبل ريقي بكلمة حلوة ولما أبص لعنيك اشوف انعكاس صورتي وبس لا حب ولا حنان ولا حتى مبادلة أحاسيس ..اللي اعرفه ان اللي يحب مش محتاج تذكير ..مش محتاج اقولك انا بحب وبكره ايه ..
مش محتاج اطلب منك هدية أو مفاجأة واقعد اتحايل عليك علشان تنفذها منت مع الغير شمعة واللي في ايدك مش ليا
دى للي تحب او لزوم المنظرة وحب الظهور ..
عامل زي الطفل كل شوية تتعلق بواحدة وتفرح
كأن عمرك ما شفت حريم أو حتى اتقالك كلام جميل
عيونك زايغة وودانك ولسانك للكلام المعسول أساتذة تستقبل وترسل انشاله لحد الصعيد ولا اقولك دنت تخطيت المحلي وروحت للعالمية مهي مش مستحيل
ما الستات لغاتهم مختلفة بس الكلام المعسول وسيلة للكل
يااااااه دنا اللي اتاذيت منك كتير وكنت بصبر مش عارفة ليه
معرفش قلبي ولا عقلي ولا كل حاجة فيا كانت بتلتمس لك العذر ..كان قلبي ابيض وفضل كده كتيير بس للاسف اتعكر والفضل لك مش عارفة اقولك الله يسامحك ولا نفذ رصيدك ولم يعد قلبي متاح ..ولا فصلت شحن ..مش عارفة اقولك تاني ايه ….انا بموووت من زمان والكل فاكر اني للحياة بعيش..حياة مستقرة وزوج على قد الايد
ايد ايه دنا اللي اتنازلت ومازلت معرفش ليه
يظهر دى عيب التربية والصناعة انك تتأذى وتكمل عادي
مش مهم تكون ذليل ..أيوة يظهر دى طبع
اسوء حاجة انك تتظلم وتبان مظلوم
انك تنام دمعتك على خدك واللي جنبك مش سائل فيك
انه يقتلك بالبطيء من غير جروح ظاهرة
ماهو فنان في التعذيب
كل اللي بيعمله شوية كلام انما الفعل مُقنن كانه بخيل
وهو أيده سايبة بس ييجي عندك له حسابات
أيوة له قوانين ..له عقل متحكم فيه
عادي مستنية ايه طالما القلب في إجازة اعرف
انك في نهاية القايمة مستني دورك
على ما يوصل يكون شح
يا خسارة سنين ضاعت والواحد كان فاكر أنه هيلاقي
في يوم الفعل اللي مستنية ..والاحساس اللي بيدعي أنه يشعر به بس للاسف إن بعض الظن اثم
والواحد من كتر الظن قلبه اتقفل خلاص
بس المهم انك مبقتش مصدر سعادتي خلاص
مبقتش استنى منك الكلمة الحلوة أو حتى الاهتمام
حياتي معدتش بتقف عليك
اتحررت.. اتحررت اخيرا ولا يوم ارجع تاني للي أنا كنت فيه
بطلت ارسل الرسيفر بعته خلاص
سعادتي بقت في اللي بحبه اكتر والبركة فيك
منت اللي شجعتني سنين كنت بتلح عليا علشان اتغير
واخيرا اتغيرت بس مش علشان كلامك
لقيت انك متستهلش قلبي أصله كتير عليك
بطلت اعافر علشان مين ..شخص ما الشخوص كتير
انما انا واحدة فريدة وكنت فاكر اني مش عارفة قيمتي بس ياخسارة مفهمتش أن ده عشق
هتعرف منين منا مجرد خيال ..مجرد ظل
بس الحمد لله طلع للنور بطل يضحي منت متستاهلش
اخيرا بعد ماكنت في المرتبة الأولي والثانية والثالثة
معرفش حاليا رتبتك ايه
يلا بلا خوته خلينا في اللي احنا فيه
اللي هو ايه …الدرس انك ما تتعلقش اووي اصلك هتنصدم والدنيا هتيجي عليك حب نفسك واعملك قيمة
هتلاقي ضحتك مبتفرقكش ..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.