مروة الجمل تكتب الحلقة السادسة عشر من حلقات من ذاكرة الطفولة( أماني و أغاني)


 

مروة الجمل تكتب الحلقة السادسة عشر من حلقات #منذاكرةالطفولة، حلقة النهاردة هنتكلم عن برنامج #أماني_وأغاني

البرنامج كان من إعداد فداء الشندويلي وتقديم جمال الشاعر وجميلة اسماعيل و أحمد مختار، ومن إخراج مجدي عبد العال
وكان في بعض الحلقات من اعداد زينب شندي واخراج سعاد شندي

البرنامج كان بيتعرض الساعة ٢ ونص الضهر على القناة الأولى

البرنامج وقتها كان بيعرض أحدث كليبات نجوم الغناء زي عمرو دياب وهشام عباس ومصطفى قمر ومنى عبد الغنى وهدى عمار وغيرهم، وكان البرنامج الوحيد اللي بيقدم الأغنية الشبابية وأحدث ما يتم تصويره من فيديو كليب.

فكرة البرنامج كانت بتدور حوالين نزول أحمد مختار وجمال الشاعر
وجميلة إسماعيل للشباب فى الشارع ويعملوا معاهم لقاءات خفيفة ويتعرفوا على أحلامهم وببساطة وخفة يطرحوا سؤالهم المعتاد “تحب تشوف إيه معانا؟”..

البرنامج ده بالذات ساب أثر وكان عامل حالة جميلة بين الجمهور البسطاء والطلاب والعمال والمارة فى الشارع فكانوا أول مايشوفوا كاميرا البرنامج يجروا علشان يظهروا في برنامج أماني وأغاني على شاشة التليفزيون المصرى وكانوا بيبعتوا سلامات وابتسامات من ورا المذيع لأسرهم وعائلاتهم اللي بيشوفوا البرنامج فى بيوتهم.

ومن الحاجات اللي كانت بتميز “أمانى وأغانى” عن غيره من البرامج أن مذيعيه كانوا شبه الشباب اللي بيعملوا لقاءات معاهم فى الشارع فكان بيلبس أحمد مختار الجينز ويربط على رقبته البلوفر “وكانت وقتها موضة الشباب”، بعكس مذيعين البرامج التانية اللي كانوا لازم يظهروا بلبس كلاسيكي.

وطبعا محدش فينا يقدر ينسى التتر بتاعه المميز جدا واللي كان عبارة عن مقتطعات من الأغاني الجديدة وقتها فتسمع صوت محمد الحلو وهو بيقول ااااه ووراه تسمع لطيفة وهي بتغني ليليلاه واغنية أرجوك اوعى تغير وغيرهم من الأغاني الجميلة اللي محفورة في ذاكرة معظم الجيل وفي الخلفية المرئية لقطات من الفيديو كليبات الجديدة ..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.