محمد جراحي يكتب أنا و قلبي


 

عنوان النص : انا و قلبي

 

و إيه بهدلني
ويا الناس
سواك انت
و مفيش تغيير
تحب الناس،
تروح الناس
تعود انت
وحيد و كسير
أفهم فيك
و ادادي عنيك
و اخيط جرحك المفتوح
تبات مجروح
و تصبح مبتسم تاني
كما العصافير
تطير و تروح
تعيد الحزن من تاني
تعود مهزوم
بتهرب مني ليه دايما
هروبك ده ملهش لزوم
افهم فيك
و ادادي عنيك
و اخيط جرحك المفتوح
تبات مكسور
و نايم سخن بتخرف
و فجأه تقوم
تشت و تجري قدامي
و تتسحب كما عيـل
بِــنُط السور
تروح تتلاقي و تواعد
و تتخان تاني و تباعد
و تعمل فيها قلب جسور
و ترجع لي مداري الجرح
افهم فيك
و ادادي عنيك
و تفهم اني دايما صح
تبات مبسوط
لاول مره ليلنا يفوت
بدون احزان
و من غير جرح
و صبح الصبح و لقيتك
لا بتقاوح و لا بتهرب
حاولت أفرح و صحيتك
لقيتك هادي و مغَـرّب
و بتجيب سيرة الأموات
كأنك شايف المحجوب
صرخت عليك بلاش الموت
ضحكت و قلت.. اهو نجرب.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.