طعم القهوة تكتبها حنان العسيلي


 

 

طعم القهوة
حنان العسيلي

 

طعم القهوة وقت الفجر
نسيم أيلول
وحبة شِعر على سهوة
كلام بيلون الدنيا
ده لونه حزين..
ده لون مُفرح ومُتفائل
ده كله حَنين..
ده واحشه زمن ماهوش راجع!
مابين الضلمة والوَحشة
يجوز تحفر شعاع النور
ومش لازم أكيد تفهم..
كلام الشعر والمخابيل!
دي ناس عايشة بإحساسها
ومهووسة بكيان الحرف!
ولا راسية على سكة
ولا عارفة للحنها عزف
يدوب يصحوا في وقت النوم
وتصحى معاهم أوراقهم
وتتسابق حروف روحهم
عشان بيكملوا الصورة
يضموا نسيم هوا طاير
ويحضنوا ورقة مكتوبة
بيبعتوا جوابات لأحلامهم
ويقروها لما تتحقق
ولو ضاع الجواب منهم
تضيع دنيا بتفاصيلها
تونسهم يدوب دمعة
وبيت من شِعر يسكنوا فيه
وموجة هادية جوا البحر
تطبطب ع البر أوجاعهم
وطعم القهوة وقت الفجر
شتا وحواديت
في دوشة صيف.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.