قمر رمضان تكتب تراكمات


قسم حكاوي بالعامية

قمر رمضان تكتب التراكمات ..

اتنين أعرفهم واخدين بعض عن حب بقالهم ٣ سنين .. ارتبطو رسميا واتخطبو وسط العيله وفرحتهم مش سيعاهم.. هو بيحبها .. وهي كمان بتحبه .. وكل واحد بيجهز للجواز .. آه بيحصل تاتش بينهم كتير بس بسيط وبيعدي .. كل واحد بيشوف من التاني حجات كتير تضايق بس بيشيل جواه ويقول “خلي المركب تمشي” دي حاجت بسيطه وتافهة .. اتجوزوا وسط فرحة كبيرة جدا وكانوا أسعد اتنين في الكون .. وزي أي بيت فيه مشاكل .. فجأة المشاكل بقت تزيد والحب بينهم بقى يقل مع الوقت وصلت بيهم انهم مش طايقين بعض حرفيا .. كل واحد قعد مع نفسه وراجع نفسه مش لاقي سبب كبير يوصلهم انهم يتخاصموا بالأسابيع بل بالشهور كمان من غير ماحد يكلم التاني أو ينام جنبه حتى طب إيه السبب وراح فين الحب؟؟ الحال طول بيهم كده ومش لاقين حل اطلقو !!!


واحد بيحكي لصاحبه وهما قاعدين على القهوة وبيقوله حاسس دماغي هتنفجر من كتر التفكير مش عارف الغلط فيا ولا فيها .. أنا بحبها والله ومتاكد انها كمان بتحبني بس مبقناش عارفين الغلط فين .. بقيت بتنرفز عليها من أقل حاجة غصب عني وبرجع اتضايق وازعل من نفسي بس بجد مش طايق منها أي موقف بسيط وهي كذلك .. الجو بينا مشحون دايما تحس فيه حاجه غلط مش مفهومة حاولت كتير أقعد  أتكلم معاها مش بنكمل كلمتين ونلاقي نفسنا بنتخانق فا بنسكت عشان محدش يمسك في التاني والموضوع يكبر .. أنا بحبها وعاوزها بس إزاي مبقتش طايقها أنا حقيقي تعبان .. تعبان أوووي …….


شاب ف مقتبل العمر قاعد على الشط في عز السقعة والهوا الجامد الساعة ٧ الصبح بس شكله مرهق جدا ودقنه كبيرة .. نحيف جدا تحس بقاله شهور مش بياكل .. دموعه نازلة على خده بس من غير صوت ..مركز بس مع الموج وهو بيخبط في بعضه كأنه بيترجاها تسحب وجعه معاها وهي داخله بدون رجعة .. فجأة بدأ يكلم نفسه بصوت مسموع …..
_ليه ؟؟ ليه سبتيني ومشيتي ليه ..
أنا عارف اني زعلتك بس مكنتش أعرف انك هتسيبيني وتمشي بالطريقه دي .. كنت مفكر انك هتعيطي شويه وتزعلي مني وترجعي تصالحيني كالعادة وتفضلي ترخمي عليا لحد ما أصالحك رغم إني الغلطان .. عارف إنك أقوى مني ومتخيلتش انك هتيجي في يوم مش هتتحملي الزعل وتروحي مني بالطريقه دي .. والله نزلت من البيت وعارف إني هرجع  ألاقيكي بتشربي القهوة بتاعتك أو بتقرئي كتابك ومكبرة دماغك مني بس مكنتش أعرف اني هرجع والاقيكي … الاقيكي مو..موتي وسي..ب..تيني ..
(وصرخة كلها دموع ووجع) .. سبتيني ليييه والله بحبك ومش قادر أعيش من غيرك ارجعي والله مش قصدي أزعلك مني ..ياااارب رجعها ومش هزعلها تاني والله رجعلي حبيبتي اللي راحت و أخدت حياتي وروحي معاها يااارب مش قادر أعيش من غيرها يااااااارب مليش غيرك يارب 💔
(وانفجر في العياط )…..


هنا عزيزي القارئ في كل حكايه منهم حاجة واحدة بينهم مشتركه .. (التراكمات )
التراكمات دي أسوء حاجه بتمر علي الانسان في حياته بتبدأ بالحجات الصغيرة التافهة.. بس بنشيلها جوانا وبتكبر مع الوقت .. وبتعمل فجوة كبيرة بينا ومنعرفش إيه سببها ..معظمنا مش فاهم إن الانسان طاقة ولكل طاقة حدود للتحمل .. مفيش حاجه اسمها  أنا انسان قوي وبتحمل أي شيء بالعكس كل انسان ليه لحظة بيجي فيها بينفجر فجأة لأن ببساطة طاقتة خلصت .. مفيش حاجة اسمها الحب يهون أي شيء .. ولا حاجة اسمها  أتحمل وأكتم جوايا عشان خاطر اللي بحبه ..
الزعل بيقتل بالبطئ وبيموت وبيعمل أزمات قلبية ومشاكل كتير .. كسر القلوب مش سهل أبدا💔
الحل الوحيد لتفادي التراكمات هو العتاب ..
تفريغ الطاقه اللي جوانا  أول بأول وفي وقتها ..
ياما قصص حب انتهت بسبب التراكمات وياما بيوت كتير اتخربت بسببها ..
قربوا من الأشخاص اللي بتحبوهم وعاتبوهم فإن العتاب محبة⁦🌹
قولولهم اللي بيضايقكم واللي بيزعلكم عشان متجيش في لحظة وتندم .. تندم من انتهاء العلاقة أو موت الحب بينكم أو موت حد فيكم من كتر الزعل 💔💔
قربوا من بعض واتناقشوا وخلي الحب بينكم يزيد ويكبر مش يقل ..
اسعى دايما إنك تريح وتبسط الشخص اللي معاك هتلاقيه بيعاملك بالمثل وحياتكم هتبقا أجمل وأحسن ..
حافظوا علي بعض وصونوا بعض وابعدوا عن أي شيء ممكن يعكر العلاقة بينكم ..
الحياة جميلة وبسيطة لو عشتوها صح مع الناس الصح⁦❤️⁩🌹⁦❤️⁩

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.