د.محمود حسانين الجراحى يكتب
والحب مهما اختفى
وطارت العصافير وزقزقت من تانى
لعمر شمسنا غابت والقمر يضئ بستانى
الخضرة يا أما بتجَرِى الدم فى شريانى
والمية لما أرتوى بتفكرنى بناس نسيانى
يمروا على البال ويعدوا فى ثوانى
دا الحب لو يتزرع السعادة تهز كيانى
وبالود لو يرتوى عبير الحياة يملانى
أنا العاشق أنا الولهان فى سما بلدانى
أكتب قصائد للهوى يرسل عبير وجدانى
والحب لو اختفى هايعود فى لحظة تانى
يمدد جذور الود يثمر بكل أمانى
يطرد بذور الشر اللى عمره كان فانى
د. محمود حسانين الجراحى
