إيمان عبيد تكتب حياتك مسؤليتك


 

حياتك مسؤليتك

درو الضحيه
جميل  إنك لما تتحط في أزمه تلاقي اللي تفضفض معاه وتقدر تحكيله احساسك من غير تكلف وتحس انه فاهمك
ده في حد ذاته بيفرغ جزء كبير من طاقتك السلبية وبيحسسك أن معاك حد ساندك مش لوحدك

لكن فيه شخصيات لما بيتحط في أزمه  أو مشكله بيفضل يحكي ويتكلم ويشكي بس
من غير ما ياخد أي خطوة عشان يساعد نفسه أو يطلع من أزمته ولما بيتقاله على حل أو نصيحة من شخص قريب منه بيبطل يحكيله أو يفضفضله وبيبحث عن شخص آخر عشان يرجع يحكي الحكايه معاه من الأول

طب هو بيعمل كده ليه؟؟
هو مستمتع بدور الضحية لأنها بتجبله تعاطف
وفي الحقيقة الدور ده كارثة بتمنع صاحبها من أي تقدم أو تطوير أو تغيير
الشخص الشكاى اللي عايش طول الوقت في دور الضحيه
مش عايز حل ولا عايز يطلع من الأزمة هو عايز ياخد تعاطف
عايز يسمع معلش طول الوقت ولما الشخص اللي بيحكيله يبطل ده بيبحث عن غيره

الشخص اللي عايش بدور الضحية في كل شئ
هو شخص مفتقد التقدير في حياته فبدل ما ياخده من خلال انجاز أو نجاح أو من خلال تخطيه لأزمته وحله لمشكلته بيحب ياخده من خلال التعاطف المستمر مع مأساته
وأي حد هيقدمله حل هيبعد عنه فوراً لأنه معندوش رغبه يحل المشكله ويخسر كلام الطبطبة والتقدير اللي بيجيله من ورا مشكلته
هو فاكر إن الناس هتحبه وتكون حنينه معاه بس وهو ضحيه

نصيحتي لو  أنت في حياتك شخص زي كده ولقيت كلامه طول الوقت صعبانيات وبس ومش بياخد أي خطوة في مواجهة الأمر واجهه بحقيقته
اسأله سؤال مباشر عملت إيه عشان تطلع نفسك من الوضع ده؟
واجهت أزمتك ازاي؟
واجهت اللي بيضايقك ازاي ؟
خدت موقف عشان تحقق هدفك ازاي؟
عملت ايه عشان تتقدم في حياتك او تنجح؟
اكتفيت بالصمت والشكوى من الظروف فقط
ولا خدت خطوه عشان تطلع من الوضع ده ؟

أما لو أنت نفسك الشخص الشكاي
فلو حقيقي عايز تساعد نفسك خد خطوة و أبحث عن حل فورا
كثرة الشكوى هتنفر الناس منك مع الوقت
جميل إن يكون عندك شخص مقرب بتفضفض له بس فضفضة مختلطة بالتفكير والبحث عن حل مش كلام لمجرد الشكوى و بس
الأزمة أثرت فيك وعدت وسابتك
فمتفضلش تشد فيها وتقربها منك تاني
زي ما هي أثرت فيك وعدت عدي منها  أنت كمان
بإيدك تاخد في قصتك دور البطل اللي بيعدي الأزمات مش دور الضحية اللي بيموت
في النهايه القرار قرارك ومحدش السبب لأن حياتك مسؤليتك
وسعادتك  مسؤليتك
#ايمان_عبيد

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.