سحر وساحر
أحمد ربيع
و ينقلب السحر ع الساحر
و تموت كل الشرور جواك
ف
ريحتك تتبدل
و بوكيه الورد إللى يجيلك
مقرون بالفاتحه
مع إن الرحمه عليك متجوزش
طب إنت فاكر حد رحمته ؟
طب فاكر حتى خير و عملته ، في يوم و نسيت ؟
يا اخى ده العيال مبقتش تشبهنا بسببك
إنت و أمثالك
ضيعتو شوية عمر مفتح من غير ترتيب
و أهو كله بترتيب
ماهو لازم تبقى العبره تفيد
إيه يعنى لما ركبت السما يا حزين
هو إنت يعنى ركبت الطير ؟
و الأرض اخضرت في وجودك ؟ و إحنا منعرفش ؟
طب اقولك ع الأدهى ؟ ع النكته إللى مبتضحكش ؟
الحمار
ركب عليك و بيبدل
و يا ريتك جحش بيفهم
إنما إنسان محسوب على شياطين الإنس
و ينقلب السحر ع الساحر
و العبره تفيد
و نعيد و نزيد
فى
يا رب
العبره تفيد
ربيع
24 / 11 / 2020
جريدة الفكر الحر 