نسيان الأطفال والعلاج


ابني بيذاكر و بينسى المعلومات بعدها بنص ساعة .. فى البوست دة هنقولك إزاى تطورى ذاكرة ابنك و تخليه يحتفظ بالمعلومات اللى اتعلمها .

مبدئيا كدة هى المعلومات الجديدة بتتخزن فين ؟

كلنا عارفين ان المخ بيتكون من خلايا .. أى معلومة أو خبرة جديدة بيتعرضلها الإنسان ، بيتكون بسببها روابط جديدة بين خلايا المخ علشان تخزن عليها المعلومات الجديدة دى .. لكن الروابط دى بتكون ضعيفة لان المعلومات جديدة و بالتالى بيكون سهل جدا ان الطفل ينسى المعلومات دى .

و كمان المعلومات الجديدة بتتخزن عند الطفل فى الذاكرة قصيرة المدى ، و دة بردو اللى بيخليه أكثر عرضه لنسيان المعلومات اللى اتعلمها .

طيب ازاى بقا أخلى ابنى يحتفظ بالمعلومات اللى اتعلمها ؟

1⃣ تقوية الروابط العصبية اللى بتتخزن فيها المعلومات .
2⃣ تخزين المعلومات فى الذاكرة بعيدة المدى .

ودة عن طريق النقاط دى 👇

1⃣ مراجعة المعلومات :
بعد مراجعة المعلومات حوالى 5 مرات ، بتتنقل المعلومات من الذاكرة قصيرة المدى للذاكرة بعيدة المدى .. لما توصل للذاكرة بعيدة المدى المخ هيحتفظ بيها و ابنك مش هينساها .

☆ طيب نراجع المعلومات الجديدة بعد فترة قد إيه ؟

حسب نوع المعلومات بنراجعها بعد ( ساعة ، أو يوم ، أو أسبوع ، أو شهر ، أو 3شهور ، أو 6شهور )

2⃣ الربط العصبى العضلى :
يعنى المعلومات الجديدة اللى ابنك بيتعلمها تحاولى تربطيها بحركة معينة أو وضع معين لإيدك .. مثلا و انتى بتعلميه ( رقم 1 ) يبقى ترفعى إصبع السبابة ، فلو الطفل نسى المعلومة هيفتكرها بالحركة .

3⃣ الإيقاع :
كل المعلومات الجديدة اللى بتعلميها لابنك أثناء المذاكرة حاولى تحوليها لنشيد أو أغنية و تخلى ابنك يرددها معاكى .

و دة لأن الإيقاع بيستثير أذن و عقل الإنسان فبيزود التركيز و بيرفع احتمالية الإحتفاظ بالمعلومات و بيقلل النسيان .

4⃣ التخيل :
حولى المعلومات الجديدة لقصة خيالية ، العقل بيحتفظ بالقصص بسهولة جدا و بالتالى هيخزن معاها المعلومات الجديدة اللى ذاكرناها .

5⃣ تحويل المعلومات لصور :
تقدرى مع بعض المعلومات اللى بتذاكريها لابنك تستخدمى صور يشوفها أثناء المذاكرة .

6⃣ الوقفات :
لو تعرفى تجزأى بعض المعلومات علشان ابنك يقدر يحفظها و خصوصا لو بتتعاملى مع الأرقام
مثال رقم التليفون 010 29 23 28 وهكذا …

7⃣ ربط القديم بالجديد :
حاولى تربطى المعلومات الجديدة اللى بتذاكريها لابنك بمعلومات قديمة عنده .

8⃣ الأطعمة :
□ تناول أطعمة تحتوى على أوميجا 3 ، السمك مثلا .
□ شرب الماء بالمعدل الطبيعى ( متقللوش من شرب الماء ).
□ التقليل من السموم البيضاء ( السكر – الملح – الدقيق الأبيض )

9️⃣ التخلص من عادات سيئة تؤثر على المخ :
□ تغطية الرأس أثناء النوم .
□ التدخين أو التعرض للدخان .
□ مشاهدة التليفزيون او اللاب او الشاشات لفترات طويلة .
وممكن لو احتاج نشتغل علي تنمية الذاكرة البصرية والسمعيه ودي الي نزلنها عنها فيديو قبل كده
ايه هيا الذاكرة البصريه
الذاكرة البصرية تعرف باللغة الإنجليزية بمصطلح (Visual memory)، وهي نوعٌ من أنواع الذاكرة التي تصف العلاقة بين الإدراك البصري، والتخزين العقلي، والقدرة على استرجاع المشاهد المخزنة، بمعنى تذكرها من قبل الإنسان، وهنزل شرح شغلها ازاي

 

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.